7 جاستاعى قىز ەكەسٸنٸڭ اناسىن ۇرىپ-سوعىپ جاتقانى تۋرالى «102» پۋلتٸنە قوڭىراۋ شالدى, دەپ حابارلايدى "ۇلت اقپارات" قالالىق پوليتسييا دەپارتامەنتٸنە سٸلتەمە جاساپ.
«ۋچاسكەلٸك پوليتسييا ينسپەكتورى وقيعا ورنىنا دەرەۋ كەلدٸ. تەكسەرۋ بارىسىندا وتباسىنىڭ 43 جاستاعى وتاعاسى ٸشٸمدٸك ٸشٸپ, تۇرمىستىق نەگٸزدە وتباسىلىق جانجال تۋدىرىپ, ەيەلٸن ۇرا باستاعانى انىقتالدى. قورقىپ قالعان قىز پوليتسەيلەردٸ شاقىردى», - دەلٸنگەن حابارلامادا.
وتباسىلىق جانجالدى شىعارعان ەر ادامنان اڭشىلىققا ارنالعان قارۋ تەركٸلەندٸ.
«اتالعان فاكت بويىنشا قر ەقبتك-نٸڭ 73-شٸ بابى بويىنشا ٸس قوزعالىپ, نۇر-سۇلتان قالاسى بويىنشا ماماندىرىلعان اۋدانارالىق ەكٸمشٸلٸك سوتىنا جولداندى», - دەدٸ دەپارتامەنتتەن.
ەسكە سالا كەتسەك, ەلوردادا «ۋچاسكە» جەدەل الدىن-الۋ ٸس-شاراسى جالعاسۋدا. ونىڭ ماقساتى - قىلمىس پەن قۇقىق بۇزۋشىلىقتى الدىن-الۋ بويىنشا ازاماتتارمەن تٷسٸندٸرۋ ەڭگٸمەلەرٸن ٶتكٸزۋ. جەدەل الدىن-الۋ ٸس-شاراسى باستالعالى ۋچاسكەلٸك ينسپەكتورلار 263 مىڭنان استام ٷيدٸ ارالاپ شىقتى.
