Atyraýda óz balasyna uzaq ýaqyt aliment tólemei kelgen er adam 1 jylǵa bas bostandyǵyn shekteý jazasyna kesildi. Bul týraly Polisia.kz habarlady, dep habarlaidy ult.kz.
Sot úkimine sáikes, ol 7 million teńgeden astam aliment bereshegin óteýge mindetteldi.
Qazirgi ýaqytta sottalǵan azamat Atyraý qalalyq probatsiia qyzmetiniń esebine alynyp, sot júktegen mindetterdiń oryndalýy baqylaýǵa alynǵan. Probatsiia qyzmetkerleri onymen profilaktikalyq áńgime júrgizip, zań talaptaryn saqtaý, aliment qaryzyn óteý jáne qaita quqyq buzýshylyqqa jol bermeý máseleleri boiynsha túsindirý jumystaryn júrgizip jatyr.
Mamandardyń aitýynsha, aliment tóleý – tek qarjylyq mindet qana emes, árbir ata-ananyń balasy aldyndaǵy zańmen bekitilgen ári adamgershilik jaýapkershiligi. Alimentten jaltarý ákimshilik nemese qylmystyq jaýapkershilikke ákelip qana qoimai, eń aldymen balanyń quqyqtary men ál-aýqatyna keri áser etedi.
Probatsiia qyzmetiniń málimetinshe, mundai jumystar sottalǵan azamattardyń qoǵamnan oqshaýlanbai túzelýine, zań talaptaryn oryndaýyna jáne áleýmettik jaýapkershiligin arttyrýǵa baǵyttalǵan.
