Elimizde «7-20-25» turǵyn úi baǵdarlamasy boiynsha nesie alýǵa 42 846 ótinim qabyldandy, dep habarlaidy "Ult aqparat".
QR Ulttyq banktiń málimetine sáikes, «7-20-25» baǵdarlamasyn iske asyrý sheńberinde 2020 jylǵy 22 qazandaǵy jaǵdai boiynsha nesie alýǵa 499,1 mlrd teńge somasyna 42 846 ótinim qabyldandy. Nátijesinde 224,5 mlrd teńge somasyna qaryz berýge 19 242 ótinim maquldandy.
Eske salaiyq, «7-20-25» baǵdarlamasy boiynsha turǵyn úidi turaqty kirisi bar jáne ótinish berý kezinde jeke baspanasy joq Qazaqstan azamaty ala alady. Baǵdarlama boiynsha syiaqy mólsherlemesi jylyna – 7%. Ipotekalyq nesie boiynsha bastapqy jarna – 20% bastap. Nesie merzimi – 25 jyl.
