«7-20-25» baǵdarlamasyna túsken ótinimder somasy qalǵan aqshadan asyp ketti. Ulttyq banktiń basqarma tóraǵasy Ǵalymjan Pirmatov arnaiy brifingide osyndai málimet aitty, dep habarlaidy QazAqparat.
«Ulttyq bank «7-20-25» baǵdarlamasynyń taǵdyryn qalai sheshpekshi. Bólingen qarajat aiaqtalǵansha jalǵasa ma, álde jańa jyldan keiin toqtatyla ma?», - dep surady jýrnalist.
Ǵalymjan Pirmatovtyń aitýynsha, qazirdiń ózinde bul baǵdarlama boiynsha túsken ótinimderdiń somasy qalǵan qarajattan kóp.
«Buǵan deiin de málimdegenimizdei, aqsha tolyq igerilgenin kútemiz. Esterińizde bolsa, Ulttyq bank pandemiia kezinde ekonomikany qoldaýǵa qatysqan bolatyn. Biz 7 birdei baǵdarlamanyń bir bóligi boldyq. Onyń beseýi aiaqtalyp qoidy. Endi eki baǵdarlama qaldy. Biz buryn málimdegenimizdei, bul baǵdarlamalardan josparly túrde shyǵa beremiz. «7-20-25» baǵdarlamasynan biz bólingen aqsha tolyq igerilip bitkende shyǵamyz. Naqty qashan shyǵatynymyz aqshanyń qanshalyqty jyldam igerilgenine bailanysty bolady. Meniń esimde bolsa, ótinimderdiń somasy baǵdarlamadnyń qalǵan qarajatynan asyp ketken bolýy kerek», - dedi Ulttyq bank basshysy.
