«7-20-25» باعدارلاماسىنا تٷسكەن ٶتٸنٸمدەر سوماسى قالعان اقشادان اسىپ كەتتٸ. ۇلتتىق بانكتٸڭ باسقارما تٶراعاسى عالىمجان پٸرماتوۆ ارنايى بريفينگٸدە وسىنداي مەلٸمەت ايتتى, دەپ حابارلايدى قازاقپارات.
«ۇلتتىق بانك «7-20-25» باعدارلاماسىنىڭ تاعدىرىن قالاي شەشپەكشٸ. بٶلٸنگەن قاراجات اياقتالعانشا جالعاسا ما, ەلدە جاڭا جىلدان كەيٸن توقتاتىلا ما?», - دەپ سۇرادى جۋرناليست.
عالىمجان پٸرماتوۆتىڭ ايتۋىنشا, قازٸردٸڭ ٶزٸندە بۇل باعدارلاما بويىنشا تٷسكەن ٶتٸنٸمدەردٸڭ سوماسى قالعان قاراجاتتان كٶپ.
«بۇعان دەيٸن دە مەلٸمدەگەنٸمٸزدەي, اقشا تولىق يگەرٸلگەنٸن كٷتەمٸز. ەستەرٸڭٸزدە بولسا, ۇلتتىق بانك پاندەمييا كەزٸندە ەكونوميكانى قولداۋعا قاتىسقان بولاتىن. بٸز 7 بٸردەي باعدارلامانىڭ بٸر بٶلٸگٸ بولدىق. ونىڭ بەسەۋٸ اياقتالىپ قويدى. ەندٸ ەكٸ باعدارلاما قالدى. بٸز بۇرىن مەلٸمدەگەنٸمٸزدەي, بۇل باعدارلامالاردان جوسپارلى تٷردە شىعا بەرەمٸز. «7-20-25» باعدارلاماسىنان بٸز بٶلٸنگەن اقشا تولىق يگەرٸلٸپ بٸتكەندە شىعامىز. ناقتى قاشان شىعاتىنىمىز اقشانىڭ قانشالىقتى جىلدام يگەرٸلگەنٸنە بايلانىستى بولادى. مەنٸڭ ەسٸمدە بولسا, ٶتٸنٸمدەردٸڭ سوماسى باعدارلامادنىڭ قالعان قاراجاتىنان اسىپ كەتكەن بولۋى كەرەك», - دەدٸ ۇلتتىق بانك باسشىسى.
