Bishkekte avtobýs jolaýshysynyń áreketi qoǵam talqysyna tústi, dep habarlaidy ult.kz.
Bishkekte qoǵamdyq kólikte kámeletke tolmaǵan jolaýshyǵa qatysty orynsyz áreket jasaǵan er adam ustaldy. Bul týraly Pervomai aýdandyq ishki ister basqarmasy habarlady.
Oqiǵaǵa qatysty video 11 mamyr kúni áleýmettik jelilerde taraǵan. Kadrlarda er adamnyń jasóspirim qyzdyń jeke keńistigin buzyp, oǵan qolaisyz jaǵdai týǵyzǵany baiqalady. Oqiǵa kýágeriniń eskertýinen keiin ol óz áreketin toqtatqan.
Atalǵan derek boiynsha tekserý júrgizilip, quqyq qorǵaý organdary kúdiktiniń jeke basyn anyqtady. Ol 1957 jyly týǵan A.J. bolyp shyqqan.
Er adamǵa qatysty Qyrǵyz Respýblikasynyń Ákimshilik quqyq buzýshylyq týraly kodeksiniń «Usaq buzaqylyq» babymen hattama toltyryldy.
Keiin ol Respýblikalyq psihikalyq densaýlyq ortalyǵyna jatqyzylǵan. Quzyrly organdar oqiǵanyń barlyq mán-jaiyn anyqtap jatyr.
