Soltústik Qazaqstan oblysynyń Jambyl aýdanynda 89 jastaǵy áieldiń ólimine qatysty qylmystyq is qozǵaldy. Qaiǵyly oqiǵa Blagoveshenka aýylynda bolǵan, dep habarlaidy ult.kz.
Aldyn ala málimet boiynsha, anasy men 66 jastaǵy ulynyń arasynda janjal týyndaǵan. Ashýǵa berilgen er adam qart anasynyń basynan baltamen urǵan. Áiel alǵan jaraqatynan oqiǵa ornynda kóz jumǵan.
Marqumnyń denesi úidiń aýlasynan tabylǵan. Kúdikti bolǵan jaǵdai týraly politsiiaǵa ózi habarlaǵan. Qazir ol ustalyp, tergeý júrgizilip jatyr.
«Blagoveshenka aýylyndaǵy jeke úidiń aýlasynan 89 jastaǵy áieldiń denesi tabyldy. Qylmysty jasady degen kúdikpen onyń 66 jastaǵy uly ustaldy. Atalǵan fakti boiynsha sotqa deiingi tergep-tekserý bastaldy. Qajetti saraptamalar taǵaiyndalyp, oqiǵanyń barlyq mán-jaiy men sebepteri anyqtalýda», – dedi SQO politsiia departamentiniń aǵa inspektory Iýrii Klykov.
