QR Premer-Ministriniń orynbasary Eraly Toǵjanov eńbek daýlaryn sheshý máselesinde Mańǵystaý oblysynyń tájiribesin engizýdi usyndy, dep habarlaidy QazAqparat.
«Ahýal ortalyǵy eńbek daýy týyndaýy múmkin 469 problemaly kásiporynǵa monitoring júrgizdi. Búginde 66 kásiporynda eńbek daýy sheshilmegen. Ondai kásiporyndardyń kóbi Mańǵystaý, Batys Qazasqtan jáne Atyraý oblystarynda ornalasqan», -dedi ol Eńbek jáne halyqty áleýmettik qorǵaý ministrliginiń keńeitilgen alqa májilisinde.
Úkimet basshysynyń orynbasary atalǵan probleamyn arnaiy shtab arqyly sheshýge bolatynyn eske saldy.
«Mańǵystaý oblysynda osyndai qordalanyp qalǵan máselelerdi sheshetin arnaiy shtab qurylǵan bolatyn. Sonyń jumysyna bailanysty naqty, júieli sheshimder qabyldanǵan. Osy tájiribeni, atap aitsaq, shtabty qurý joldaryn, suraqtardy sheshý tásilderin ózge óńirlerge engizý kerek. Eń aldymen Qyzylorda, Qaraǵandy, Atyraý, Aqtóbe. Batys Qazaqstan oblystaryna qajet», - dedi vitse-premer.
