قر پرەمەر-مينيسترٸنٸڭ ورىنباسارى ەرالى توعجانوۆ ەڭبەك داۋلارىن شەشۋ مەسەلەسٸندە ماڭعىستاۋ وبلىسىنىڭ تەجٸريبەسٸن ەنگٸزۋدٸ ۇسىندى, دەپ حابارلايدى قازاقپارات.
«احۋال ورتالىعى ەڭبەك داۋى تۋىنداۋى مٷمكٸن 469 پروبلەمالى كەسٸپورىنعا مونيتورينگ جٷرگٸزدٸ. بٷگٸندە 66 كەسٸپورىندا ەڭبەك داۋى شەشٸلمەگەن. ونداي كەسٸپورىنداردىڭ كٶبٸ ماڭعىستاۋ, باتىس قازاسقتان جەنە اتىراۋ وبلىستارىندا ورنالاسقان», -دەدٸ ول ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ كەڭەيتٸلگەن القا مەجٸلٸسٸندە.
ٷكٸمەت باسشىسىنىڭ ورىنباسارى اتالعان پروبلەامىن ارنايى شتاب ارقىلى شەشۋگە بولاتىنىن ەسكە سالدى.
«ماڭعىستاۋ وبلىسىندا وسىنداي قوردالانىپ قالعان مەسەلەلەردٸ شەشەتٸن ارنايى شتاب قۇرىلعان بولاتىن. سونىڭ جۇمىسىنا بايلانىستى ناقتى, جٷيەلٸ شەشٸمدەر قابىلدانعان. وسى تەجٸريبەنٸ, اتاپ ايتساق, شتابتى قۇرۋ جولدارىن, سۇراقتاردى شەشۋ تەسٸلدەرٸن ٶزگە ٶڭٸرلەرگە ەنگٸزۋ كەرەك. ەڭ الدىمەن قىزىلوردا, قاراعاندى, اتىراۋ, اقتٶبە. باتىس قازاقستان وبلىستارىنا قاجەت», - دەدٸ ۆيتسە-پرەمەر.
