Qyrǵyzstan astanasy Bishkekte Ortalyq Aziiadaǵy eń iri stadiondardyń biri paidalanýǵa berildi. Sport nysanynyń quny men syiymdylyǵyn Qazaqstandaǵy jańa stadionmen salystyrǵan sport jýrnalisi Aslan Kajenov birqatar suraq kóterdi, dep habarlaidy ult.kz.
Aslan Kajenov áleýmettik jelidegi jazbasynda Bishkektegi stadionǵa arnaiy baryp, nysannyń sáýleti men sapasyna joǵary baǵa bergen.
Onyń málimetinshe, stadionnyń qurylysyna 60 mln dollar jumsalǵan. Nysan 51 myń kórermenge shaqtalǵan jáne úsh jylda salynǵan.
Al Astanada Qajymuqan Muńaitpasov atyndaǵy stadionnyń qurylysyna 37 mln dollar jumsalyp, onyń syiymdylyǵy 3,6 myń oryn bolǵanyn atap ótti.
Avtor eki nysandy salystyryp, olardyń quny men syiymdylyǵy arasynda aitarlyqtai aiyrmashylyq bar ekenin alǵa tartty.
«Qyrǵyzdar 60 mln-ǵa 51 myńdyq stadion salsa, qazaqtar 37 mln-ǵa kemi 30 myń oryndyq stadion salý kerek qoi. Po-faktý bizdegisi 10 ese kishi bolyp tur. Qalai sonda?» – dep jazdy Aslan Kajenov.
Sondai-aq ol stadion qurylysyna jumsalǵan qarajattyń tiimdiligine qatysty «Aqsha qaida? Kim jaýap beredi?» degen saýaldar qoidy.
Aita keteiik, bul – áleýmettik jelidegi avtordyń pikiri. Keltirilgen qurylys quny men nysandardyń sipattamalaryna qatysty resmi organdardyń túsiniktemesi jazbada kórsetilmegen.
