Jylqylaryn urlady dep Rahat Sársenovke aiyp taqqan kásipker Tájiǵali Eleýov ózine qatysty aitylǵan pikirlerge jaýap berdi, dep habarlaidy ult.kz.
Kásipker zańger Aigúl Orynbekke bergen suhbatynda jylqy daýyna qatysty óz nusqasyn aityp, buǵan deiin Rýslan Ótepbaidyń jasaǵan málimdemesin synǵa aldy.
Eleýovtiń sózinshe, Rýslan Ótepbai jaǵdaidy birjaqty baǵalap, tek Rahat Sársenovtiń tarapyn tyńdaǵan.
«Men bilimsizbin, saýatym joq dep otyr. Biraq ol jaqsy biledi, oryssha da sóileidi. Rýslan Ótepbai tek Rahat jaqty tyńdap, birjaqty málimdeme jasady», – dedi kásipker.
Sonymen qatar Tájiǵali Eleýov 2016 jyldary Rahat Sársenovtiń otbasyna qala ortalyǵynan úi alyp bergenin málimdedi. Onyń aitýynsha, sol ýaqytta Rahattyń Valia esimdi aspazy bolǵan.
«Rahattyń balalary menen jylqylardyń qaida ketkenin suraidy. Men qaidan bilemin? Ákelerinen surasyn. Al sol Valia aspazdyń aqshasymen qaladan úi saldy. Túsiniksiz másele óte kóp», – dedi ol.
Kásipker qazirgi tańda jylqy daýyna qatysty pikir bildirip júrgenderdiń kóbi oqiǵany bir ǵana taraptyń sózine súienip baǵalap otyrǵanyn atap ótti.
