جىلقىلارىن ۇرلادى دەپ راحات سەرسەنوۆكە ايىپ تاققان كەسٸپكەر تەجٸعالي ەلەۋوۆ ٶزٸنە قاتىستى ايتىلعان پٸكٸرلەرگە جاۋاپ بەردٸ, دەپ حابارلايدى ult.kz.
كەسٸپكەر زاڭگەر ايگٷل ورىنبەككە بەرگەن سۇحباتىندا جىلقى داۋىنا قاتىستى ٶز نۇسقاسىن ايتىپ, بۇعان دەيٸن رۋسلان ٶتەپبايدىڭ جاساعان مەلٸمدەمەسٸن سىنعا الدى.
ەلەۋوۆتٸڭ سٶزٸنشە, رۋسلان ٶتەپباي جاعدايدى بٸرجاقتى باعالاپ, تەك راحات سەرسەنوۆتٸڭ تاراپىن تىڭداعان.
«مەن بٸلٸمسٸزبٸن, ساۋاتىم جوق دەپ وتىر. بٸراق ول جاقسى بٸلەدٸ, ورىسشا دا سٶيلەيدٸ. رۋسلان ٶتەپباي تەك راحات جاقتى تىڭداپ, بٸرجاقتى مەلٸمدەمە جاسادى», – دەدٸ كەسٸپكەر.
سونىمەن قاتار تەجٸعالي ەلەۋوۆ 2016 جىلدارى راحات سەرسەنوۆتٸڭ وتباسىنا قالا ورتالىعىنان ٷي الىپ بەرگەنٸن مەلٸمدەدٸ. ونىڭ ايتۋىنشا, سول ۋاقىتتا راحاتتىڭ ۆاليا ەسٸمدٸ اسپازى بولعان.
«راحاتتىڭ بالالارى مەنەن جىلقىلاردىڭ قايدا كەتكەنٸن سۇرايدى. مەن قايدان بٸلەمٸن? ەكەلەرٸنەن سۇراسىن. ال سول ۆاليا اسپازدىڭ اقشاسىمەن قالادان ٷي سالدى. تٷسٸنٸكسٸز مەسەلە ٶتە كٶپ», – دەدٸ ول.
كەسٸپكەر قازٸرگٸ تاڭدا جىلقى داۋىنا قاتىستى پٸكٸر بٸلدٸرٸپ جٷرگەندەردٸڭ كٶبٸ وقيعانى بٸر عانا تاراپتىڭ سٶزٸنە سٷيەنٸپ باعالاپ وتىرعانىن اتاپ ٶتتٸ.
