Jylqylaryn urlady dep Rahat Sársenovke aiyp taqqan kásipker Tájiǵali Eleýov ózine qatysty aitylǵan pikirlerge jaýap berdi, dep habarlaidy ult.kz.
Kásipker zańger Aigúl Orynbekke bergen suhbatynda jylqyǵa qatysty daýdyń óz nusqasyn aityp, buǵan deiin Rýslan Ótepbaidyń jasaǵan málimdemesin synǵa aldy.
Tájiǵali Eleýovtiń sózinshe, Rýslan Ótepbai máseleni birjaqty baǵalap, tek Rahat Sársenovtiń tarapyn tyńdaǵan.
«Men bilimsizbin, saýatym joq dep otyr. Biraq ol jaqsy biledi, oryssha da sóileidi. Rýslan Ótepbai tek Rahat jaqty tyńdap, birjaqty málimdeme jasady», – dedi kásipker.
Ol sondai-aq 2016 jyldary Rahat Sársenovtiń otbasyna ortalyqtan úi alyp bergenin aitty. Kásipkerdiń sózinshe, sol kezeńde Rahattyń Valia esimdi aspazy bolǵan.
«Rahattyń balalary menen jylqynyń qaida ketkenin suraidy. Men qaidan bilemin, ákelerinen surasyn. Al sol Valia aspazdyń aqshasymen qaladan úi saldy. Túsiniksiz másele óte kóp», – dedi Tájiǵali Eleýov.
Kásipkerdiń aitýynsha, qazirgi tańda jylqy daýyna qatysty pikir bildirgenderdiń basym bóligi máseleni tek bir taraptyń sózine súienip baǵalap otyr.
Ol daýǵa qatysty barlyq taraptyń ýájin tyńdap, jaǵdaidy jan-jaqty qaraý qajet ekenin aitty.
