جىلقىلارىن ۇرلادى دەپ راحات سەرسەنوۆكە ايىپ تاققان كەسٸپكەر تەجٸعالي ەلەۋوۆ ٶزٸنە قاتىستى ايتىلعان پٸكٸرلەرگە جاۋاپ بەردٸ, دەپ حابارلايدى ult.kz.
كەسٸپكەر زاڭگەر ايگٷل ورىنبەككە بەرگەن سۇحباتىندا جىلقىعا قاتىستى داۋدىڭ ٶز نۇسقاسىن ايتىپ, بۇعان دەيٸن رۋسلان ٶتەپبايدىڭ جاساعان مەلٸمدەمەسٸن سىنعا الدى.
تەجٸعالي ەلەۋوۆتٸڭ سٶزٸنشە, رۋسلان ٶتەپباي مەسەلەنٸ بٸرجاقتى باعالاپ, تەك راحات سەرسەنوۆتٸڭ تاراپىن تىڭداعان.
«مەن بٸلٸمسٸزبٸن, ساۋاتىم جوق دەپ وتىر. بٸراق ول جاقسى بٸلەدٸ, ورىسشا دا سٶيلەيدٸ. رۋسلان ٶتەپباي تەك راحات جاقتى تىڭداپ, بٸرجاقتى مەلٸمدەمە جاسادى», – دەدٸ كەسٸپكەر.
ول سونداي-اق 2016 جىلدارى راحات سەرسەنوۆتٸڭ وتباسىنا ورتالىقتان ٷي الىپ بەرگەنٸن ايتتى. كەسٸپكەردٸڭ سٶزٸنشە, سول كەزەڭدە راحاتتىڭ ۆاليا ەسٸمدٸ اسپازى بولعان.
«راحاتتىڭ بالالارى مەنەن جىلقىنىڭ قايدا كەتكەنٸن سۇرايدى. مەن قايدان بٸلەمٸن, ەكەلەرٸنەن سۇراسىن. ال سول ۆاليا اسپازدىڭ اقشاسىمەن قالادان ٷي سالدى. تٷسٸنٸكسٸز مەسەلە ٶتە كٶپ», – دەدٸ تەجٸعالي ەلەۋوۆ.
كەسٸپكەردٸڭ ايتۋىنشا, قازٸرگٸ تاڭدا جىلقى داۋىنا قاتىستى پٸكٸر بٸلدٸرگەندەردٸڭ باسىم بٶلٸگٸ مەسەلەنٸ تەك بٸر تاراپتىڭ سٶزٸنە سٷيەنٸپ باعالاپ وتىر.
ول داۋعا قاتىستى بارلىق تاراپتىڭ ۋەجٸن تىڭداپ, جاعدايدى جان-جاقتى قاراۋ قاجەت ەكەنٸن ايتتى.
