Nepal men Qytaidyń Tibet aimaǵy shekarasynda bolǵan alapat tabiǵi apattan qaza tapqandar sany myńǵa jýyqtady, dep habarlaidy ult.kz.
Qazir eki elde 3 myńnan astam adam habar-osharsyz ketken.
Nepaldyń tabiǵi apattar qaýpin azaitý basqarmasynyń málimetinshe, elde 903 adam qaza taýyp, 2 502 adam joǵalǵan. Al Qytai biligi Tibettiń Girong ýezinde 16 adamnyń qaza tapqanyn jáne 546 adamnyń iz-túzsiz joǵalǵanyn rastady. Osylaisha eki eldegi resmi málimet boiynsha qaza tapqandar sany 797 adamǵa, joǵalǵandar sany 3 048 adamǵa jetti.
Buǵan qosa, Tibettiń Nepalmen shekaralas aýmaǵynda 23 elden kelgen 261 sheteldik azamatpen bailanys úzilgeni habarlandy.
Apat 26 tamyzda Gimalaidaǵy muzdyqtyń opyrylyp, taý jynystary men muzdyń ózenge qulaýy saldarynan bastalǵan. Onyń arty joiqyn lai kóshkini men sý tasqynyna ulasyp, eldi mekender, joldar, kópirler jáne energetikalyq nysandar qirady.
Qazir qutqarý jumystary kúrdeli jaǵdaida júrip jatyr. Trishýli ózenindegi sý deńgeiiniń qaita kóterilýi men jańa tasqyn qaýpi turǵyndar men qutqarýshylardy qaýipsiz jerlerge kóshýge májbúr etti. Qolaisyz aýa raiyna bailanysty izdeý-qutqarý operatsiialary birneshe ret ýaqytsha toqtatylǵan.
Nepalda qutqarýshylar lai men úiindi astynda qalǵan adamdardy izdeýdi jalǵastyryp jatyr. Ásirese sý elektr stantsiialarynyń qurylys nysandaryndaǵy týnnelderde júzdegen jumysshy qalyp qoiǵan bolýy múmkin degen boljam bar. Qutqarý jumystaryna myńdaǵan áskeri qyzmetker men arnaiy mamandar tartylǵan.
