Непал мен Қытайдың Тибет аймағы шекарасында болған алапат табиғи апаттан қаза тапқандар саны мыңға жуықтады, деп хабарлайды ult.kz.
Қазір екі елде 3 мыңнан астам адам хабар-ошарсыз кеткен.
Непалдың табиғи апаттар қаупін азайту басқармасының мәліметінше, елде 903 адам қаза тауып, 2 502 адам жоғалған. Ал Қытай билігі Тибеттің Гиронг уезінде 16 адамның қаза тапқанын және 546 адамның із-түзсіз жоғалғанын растады. Осылайша екі елдегі ресми мәлімет бойынша қаза тапқандар саны 797 адамға, жоғалғандар саны 3 048 адамға жетті.
Бұған қоса, Тибеттің Непалмен шекаралас аумағында 23 елден келген 261 шетелдік азаматпен байланыс үзілгені хабарланды.
Апат 26 тамызда Гималайдағы мұздықтың опырылып, тау жыныстары мен мұздың өзенге құлауы салдарынан басталған. Оның арты жойқын лай көшкіні мен су тасқынына ұласып, елді мекендер, жолдар, көпірлер және энергетикалық нысандар қирады.
Қазір құтқару жұмыстары күрделі жағдайда жүріп жатыр. Тришули өзеніндегі су деңгейінің қайта көтерілуі мен жаңа тасқын қаупі тұрғындар мен құтқарушыларды қауіпсіз жерлерге көшуге мәжбүр етті. Қолайсыз ауа райына байланысты іздеу-құтқару операциялары бірнеше рет уақытша тоқтатылған.
Непалда құтқарушылар лай мен үйінді астында қалған адамдарды іздеуді жалғастырып жатыр. Әсіресе су электр станцияларының құрылыс нысандарындағы туннельдерде жүздеген жұмысшы қалып қойған болуы мүмкін деген болжам бар. Құтқару жұмыстарына мыңдаған әскери қызметкер мен арнайы мамандар тартылған.
