AQSh-tyń Lýiziana shtatyndaǵy Shrivport qalasynda jantúrshigerlik qylmys boldy. 19 sáýirde 31 jastaǵy Shamar Elkins segiz balany atyp óltirgen. Qaza bolǵandardyń jeteýi onyń óz balalary bolsa, segizinshi bala týysyna tiesili bolǵan. Balalardyń jasy 3 pen 11 aralyǵynda, dep habarlaidy ult.kz.
Politsiianyń málimetinshe, qaiǵyly oqiǵa otbasylyq janjaldan bastalǵan. Aldymen er adam eki áielge oq atqan. Olardyń biri onyń áieli, ekinshisi balalardyń anasy bolǵan. Ekeýi de jaralanyp, aýrýhanaǵa jetkizildi.
Keiin kúdikti balalar bolǵan basqa úige barǵan. Sol jerde segiz balany atyp óltirgen. Politsiia oqiǵa kezinde balalardyń bir bóligi qashýǵa áreket jasaǵanyn habarlady.
Qylmystan keiin Elkins kólik urlap, oqiǵa ornynan qashqan. Politsiia ony qýyp jetip, atys bolǵan. Sonyń saldarynan kúdikti qaza tapty. Onyń politsiia oǵynan nemese óz-ózine qol jumsaý saldarynan qaitys bolǵany keiingi málimetterde naqtylanýy kerek bolǵan.
Politsiia bul qylmysty turmystyq janjaldan týyndaǵan oqiǵa dep baǵalaǵan. Tergeý barysynda onyń naqty sebebi men qylmystyń barlyq mán-jaiy anyqtalyp jatyr.
