«Qazaqstan temir joly» ulttyq kompaniiasy Jambyl oblysynda alty adam qaitys bolǵan apatqa bailanysty pikir bildirdi, dep habarlaidy Ulysmedia.kz.
Aita ketsek, búgin Merki aýdanynyń Qarasý aýylynda temirjol ótkelinde jolaýshylar poiyzynyń Audi avtokóligimen soqtyǵysqany belgili boldy.
Saǵat 08:35-te Audi markaly avtokólik júrgizýshisi Jambyl oblysy Taraz-Shý ýchaskesiniń temirjol ótkeline shyǵyp ketip, poiyzben soqtyǵysqan. Kólikte 6 adam bolǵan.
«Aldyn ala málimet boiynsha, kólik júrgizýshisi tyiym salynǵany kórsetilgen belgini elemei, jol erejesin buzǵan. Osy áreket jol apatyna sebep bolǵan», - delingen QTJ habarlamasynda.
Oqiǵanyń mán-jaiyn aýdandyq ishki ister bólimi mamandary anyqtap jatyr.
«QTJ joldardy kesip ótpes buryn avtokólik júrgizýshisi joldardyń belgi berý quraldarynyń nusqaýlaryn múltiksiz saqtaýy jáne jaqyndap kele jatqan temirjol quramynyń joqtyǵyna kóz jetkizýge tiis ekenin eske salady», - delingen «Qazaqstan temir joly» UK» AQ baspasóz qyzmeti taratqan aqparatta.
Jambyl oblysy politsiia departamentiniń habarlaýynsha, osy derekke bailanysty Qylmystyq kodekstiń 345-baby 4-bóligi boiynsha sotqa deiingi tergeý amaldary bastaldy. Qajetti saraptamalar taǵaiyndaldy.
