«قازاقستان تەمٸر جولى» ۇلتتىق كومپانيياسى جامبىل وبلىسىندا التى ادام قايتىس بولعان اپاتقا بايلانىستى پٸكٸر بٸلدٸردٸ, دەپ حابارلايدى Ulysmedia.kz.
ايتا كەتسەك, بٷگٸن مەركٸ اۋدانىنىڭ قاراسۋ اۋىلىندا تەمٸرجول ٶتكەلٸندە جولاۋشىلار پويىزىنىڭ Audi اۆتوكٶلٸگٸمەن سوقتىعىسقانى بەلگٸلٸ بولدى.
ساعات 08:35-تە Audi ماركالى اۆتوكٶلٸك جٷرگٸزۋشٸسٸ جامبىل وبلىسى تاراز-شۋ ۋچاسكەسٸنٸڭ تەمٸرجول ٶتكەلٸنە شىعىپ كەتٸپ, پويىزبەن سوقتىعىسقان. كٶلٸكتە 6 ادام بولعان.
«الدىن الا مەلٸمەت بويىنشا, كٶلٸك جٷرگٸزۋشٸسٸ تىيىم سالىنعانى كٶرسەتٸلگەن بەلگٸنٸ ەلەمەي, جول ەرەجەسٸن بۇزعان. وسى ەرەكەت جول اپاتىنا سەبەپ بولعان», - دەلٸنگەن قتج حابارلاماسىندا.
وقيعانىڭ مەن-جايىن اۋداندىق ٸشكٸ ٸستەر بٶلٸمٸ ماماندارى انىقتاپ جاتىر.
«قتج جولداردى كەسٸپ ٶتپەس بۇرىن اۆتوكٶلٸك جٷرگٸزۋشٸسٸ جولداردىڭ بەلگٸ بەرۋ قۇرالدارىنىڭ نۇسقاۋلارىن مٷلتٸكسٸز ساقتاۋى جەنە جاقىنداپ كەلە جاتقان تەمٸرجول قۇرامىنىڭ جوقتىعىنا كٶز جەتكٸزۋگە تيٸس ەكەنٸن ەسكە سالادى», - دەلٸنگەن «قازاقستان تەمٸر جولى» ۇك» اق باسپاسٶز قىزمەتٸ تاراتقان اقپاراتتا.
جامبىل وبلىسى پوليتسييا دەپارتامەنتٸنٸڭ حابارلاۋىنشا, وسى دەرەككە بايلانىستى قىلمىستىق كودەكستٸڭ 345-بابى 4-بٶلٸگٸ بويىنشا سوتقا دەيٸنگٸ تەرگەۋ امالدارى باستالدى. قاجەتتٸ ساراپتامالار تاعايىندالدى.
