Foto: krisha.kz
Almatyda jastarǵa arnalǵan turǵyn úi baǵdarlamasyna ótinim qabyldaý 1 maýsymda bastalady. Bul týraly Otbasy bank habarlady.
Bank málimetinshe, ótinimder 1 maýsym saǵat 09:00-den 15 maýsym saǵat 18:00-ge deiin qabyldanady. Qatysý úshin kezekte.kz portaly arqyly ótinim berý qajet. Portalǵa kirý úshin elektrondy tsifrlyq qoltańba (ETsQ) talap etiledi.
Baǵdarlama aiasynda qatysýshylar 20 mln teńgege deiin nesie ala alady. Paiyzdyq mólsherleme – 5%, al bastapqy jarna – 10%. Turǵyn úidi bastapqy jáne qaitalama naryqtan satyp alýǵa múmkindik qarastyrylǵan.
Baǵdarlamaǵa qatysý úshin úmitkerdiń jasy 35-ten aspaýy tiis. Sondai-aq Almaty qalasynda keminde bir jyl turaqty tirkeýi bolýy, sońǵy bes jylda turǵyn úiiniń bolmaýy jáne keminde alty ai resmi jumys ótili talap etiledi. Mindetti zeinetaqy jarnalary da turaqty aýdarylyp turýy qajet.
Aita keteiik, “Almaty jastary” baǵdarlamasy – megapolistegi jas azamattardy qoldaýǵa baǵyttalǵan negizgi turǵyn úi jobalarynyń biri.
