فوتو: krisha.kz
الماتىدا جاستارعا ارنالعان تۇرعىن ٷي باعدارلاماسىنا ٶتٸنٸم قابىلداۋ 1 ماۋسىمدا باستالادى. بۇل تۋرالى وتباسى بانك حابارلادى.
بانك مەلٸمەتٸنشە, ٶتٸنٸمدەر 1 ماۋسىم ساعات 09:00-دەن 15 ماۋسىم ساعات 18:00-گە دەيٸن قابىلدانادى. قاتىسۋ ٷشٸن kezekte.kz پورتالى ارقىلى ٶتٸنٸم بەرۋ قاجەت. پورتالعا كٸرۋ ٷشٸن ەلەكتروندى تسيفرلىق قولتاڭبا (ەتسق) تالاپ ەتٸلەدٸ.
باعدارلاما اياسىندا قاتىسۋشىلار 20 ملن تەڭگەگە دەيٸن نەسيە الا الادى. پايىزدىق مٶلشەرلەمە – 5%, ال باستاپقى جارنا – 10%. تۇرعىن ٷيدٸ باستاپقى جەنە قايتالاما نارىقتان ساتىپ الۋعا مٷمكٸندٸك قاراستىرىلعان.
باعدارلاماعا قاتىسۋ ٷشٸن ٷمٸتكەردٸڭ جاسى 35-تەن اسپاۋى تيٸس. سونداي-اق الماتى قالاسىندا كەمٸندە بٸر جىل تۇراقتى تٸركەۋٸ بولۋى, سوڭعى بەس جىلدا تۇرعىن ٷيٸنٸڭ بولماۋى جەنە كەمٸندە التى اي رەسمي جۇمىس ٶتٸلٸ تالاپ ەتٸلەدٸ. مٸندەتتٸ زەينەتاقى جارنالارى دا تۇراقتى اۋدارىلىپ تۇرۋى قاجەت.
ايتا كەتەيٸك, “الماتى جاستارى” باعدارلاماسى – مەگاپوليستەگٸ جاس ازاماتتاردى قولداۋعا باعىتتالعان نەگٸزگٸ تۇرعىن ٷي جوبالارىنىڭ بٸرٸ.
