Almaty qalalyq qoǵamdyq densaýlyq saqtaý basqarmasy vaktsinadan qaitys boldy delingen almatylyqqa qatysty pikir bildirdi, dep habarlaidy "Ult aqparat".
Er adamnyń qaitys bolǵany týraly aqparat áleýmettik jelide taraǵan bolatyn.
«Áleýmettik jelilerde Almaty turǵyny Baqytjan Nurtazinniń ólimi jaily aqparat taraýda. Almaty qalasynyń ákimdigi marqumnyń týystaryna kóńil aitady. 1979 jyly týǵan B. Nurtazin esimdi azamat biyl 12 sáýir kúni emhanaǵa koronavirýs infektsiiasyna qarsy vaktsinanyń alǵashqy dozasyn alý úshin júgingen. Ekpe hattamaǵa sáikes ótti. Ekpeden keiin B. Nurtazin 30 minýt boiy baqylaýda bolǵan, eshqandai shaǵym jasamaǵan», - dep habarlady qalalyq qoǵamdyq densaýlyq saqtaý basqarmasynyń baspasóz qyzmeti.
Qaitys bolǵan 42 jastaǵy almatylyq 21 kúnnen keiin vaktsinanyń ekinshi komponentin alǵan.
«Dárigerdiń qaraýy kezinde jaǵdaiy qanaǵattanarlyq bolǵan, ekpe protsedýrasynan keiin 30 minýt baqylaýda bolyp, B.Nurtazin úiine ketken. Jaǵdaiy úiinde nasharlaǵan. Jedel járdem kelgenge deiin qaitys bolǵan», - dep atap ótti basqarmadaǵylar.
Aldyn ala boljamdarǵa sáikes, ol jedel júrek-qantamyr jetispeýshiliginen qaitys bolǵan. Qazir naqty sebepterin anyqtaý úshin tergeý júrgizilip jatyr, sot-meditsinalyq saraptama bastaldy. Naqty diagnoz gistologiialyq zertteýden keiin belgili bolady.
