الماتى قالالىق قوعامدىق دەنساۋلىق ساقتاۋ باسقارماسى ۆاكتسينادان قايتىس بولدى دەلٸنگەن الماتىلىققا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
ەر ادامنىڭ قايتىس بولعانى تۋرالى اقپارات ەلەۋمەتتٸك جەلٸدە تاراعان بولاتىن.
«ەلەۋمەتتٸك جەلٸلەردە الماتى تۇرعىنى باقىتجان نۇرتازيننٸڭ ٶلٸمٸ جايلى اقپارات تاراۋدا. الماتى قالاسىنىڭ ەكٸمدٸگٸ مارقۇمنىڭ تۋىستارىنا كٶڭٸل ايتادى. 1979 جىلى تۋعان ب. نۇرتازين ەسٸمدٸ ازامات بيىل 12 سەۋٸر كٷنٸ ەمحاناعا كوروناۆيرۋس ينفەكتسيياسىنا قارسى ۆاكتسينانىڭ العاشقى دوزاسىن الۋ ٷشٸن جٷگٸنگەن. ەكپە حاتتاماعا سەيكەس ٶتتٸ. ەكپەدەن كەيٸن ب. نۇرتازين 30 مينۋت بويى باقىلاۋدا بولعان, ەشقانداي شاعىم جاساماعان», - دەپ حابارلادى قالالىق قوعامدىق دەنساۋلىق ساقتاۋ باسقارماسىنىڭ باسپاسٶز قىزمەتٸ.
قايتىس بولعان 42 جاستاعى الماتىلىق 21 كٷننەن كەيٸن ۆاكتسينانىڭ ەكٸنشٸ كومپونەنتٸن العان.
«دەرٸگەردٸڭ قاراۋى كەزٸندە جاعدايى قاناعاتتانارلىق بولعان, ەكپە پروتسەدۋراسىنان كەيٸن 30 مينۋت باقىلاۋدا بولىپ, ب.نۇرتازين ٷيٸنە كەتكەن. جاعدايى ٷيٸندە ناشارلاعان. جەدەل جەردەم كەلگەنگە دەيٸن قايتىس بولعان», - دەپ اتاپ ٶتتٸ باسقارماداعىلار.
الدىن الا بولجامدارعا سەيكەس, ول جەدەل جٷرەك-قانتامىر جەتٸسپەۋشٸلٸگٸنەن قايتىس بولعان. قازٸر ناقتى سەبەپتەرٸن انىقتاۋ ٷشٸن تەرگەۋ جٷرگٸزٸلٸپ جاتىر, سوت-مەديتسينالىق ساراپتاما باستالدى. ناقتى دياگنوز گيستولوگييالىق زەرتتەۋدەن كەيٸن بەلگٸلٸ بولادى.
