QR Eńbek jáne halyqty áleýmettik qorǵaý ministrligi 42 500 teńgeni qaitarýǵa nietti adamdar áleýmettik tólemdi bankterdiń smartfondardaǵy qosymshasy arqyly qaitara alatynyn málim etti, dep habarlaidy "Ult aqparat".
«42 500 teńge» áleýmettik tólemi boiynsha barlyq taǵaiyndaýlardyń negizi tótenshe jaǵdai tártibi aiaqtalǵannan keiin bekitilgen zań júzinde qaita tekseriledi. Ár ótinimge qatysty usynylǵan derekterdiń shynaiylyǵyna jaýapkershilik júktelgen, onyń ishinde, álbette basty sebep – tótenshe jaǵdai kezindegi shekteýler saldarynan tabystan aiyrylý. Osylaisha, el azamaty «42 500 teńge» tólemge ótinim bere otyryp, tótenshe jaǵdai ýaqytyna deiin kirisi bolǵanyna jáne ony joǵaltqanyna kepildik beretinin rastaidy. Áleýmettik tólemderdi zańsyz alǵan adamdardyń jaýapkershilikke tartylýy olardyń jasaǵan zańsyz áreketine bailanysty bolady. Áleýmettik tólem alýshylardyń zańsyz is-qimyly Qylmystyq kodekstiń aiasynda qarastyrylady (190, 195 baptar)», - delingen ministrlik habarlamasynda.
Eger ótinish berýshi qatelesip, áleýmettik tólem alǵan bolsa, biraq bul qarajatty qaitarý qajet dep sanasa, onda 42 500 teńgeni kelesi shotqa jibere alady:
Alýshynyń ataýy: «Azamattarǵa arnalǵan úkimet» memlekettik korporatsiiasy» KeAQ
BSN: 160440007161
BSK: GCVPKZ2A
JSK: KZ67009SS00368609110
TTK: 049
Halyq bank pen Kaspii bankte shottary bar azamattar, «Áleýmettik tólemderdi qaitarý» tetigin tańdai otyryp, 42 500 teńgeni bankterdiń uialy qosymshasynan qaitara alady.
Budan buryn habarlanǵandai, tótenshe jaǵdai kezinde tabysynan aiyrylýyna bailanysty 3 millionnan astam adamǵa Memlekettik áleýmettik saqtandyrý qorynan tólemder taǵaiyndaldy.
