Foto: vzsar.ru saitynan
Reseidegi Saratov kedeniniń qyzmetkerleri Qazaqstanǵa 800 qap qant tielgen kólikti shyǵarýǵa kedergi jasady. Aqparatty vedomstvonyń baspasóz qyzmeti usyndy, - dep habarlaidy Tengrinews.kz tilshisi "Vzgliad-info" jergilikti aqparattyq basylymyna silteme jasap.
Aqparat boiynsha, Resei Federatsiiasynyń memlekettik shekarasyna jaqyn jerde Saratov oblysynyń Ozin aýmaǵynda keden qyzmetkerleri tirkemesi bar júk kóligin teksergen, ol qujattarǵa sáikes 20 tonna bidai unmen kele jatqan.
"Tekserý kezinde inspektorlar un paketteriniń astynan salmaǵy 40 tonna bolatyn 800 qap aq qant tapty, ony qazirgi ýaqytta Resei Federatsiiasynan áketýge tyiym salynǵan", - dep túsindirdi Saratov kedeniniń bólim bastyǵynyń orynbasary Sergei Dýshýtin.
RF ÁQBtK-niń 16.3-baby "Resei Federatsiiasynan taýarlardy áketýge tyiymdar men shekteýlerdi saqtamaý" boiynsha ákimshilik is qozǵaldy.
Zań buzýshylarǵa taýardy tárkileýmen qatar 300 myń rýblge deiin aiyppul salynady.
Saratov kedeni Resei Federatsiiasy Úkimetiniń 14 naýryzdaǵy № 361 "Resei Federatsiiasynan aq qant pen shiki quraq qantyn áketýge ýaqytsha tyiym salýdy engizý týraly" qaýlysymen qant eksporttaýǵa tyiym salynǵan taýarlar tizimine engizilgenin eske saldy.
