فوتو: vzsar.ru سايتىنان
رەسەيدەگٸ ساراتوۆ كەدەنٸنٸڭ قىزمەتكەرلەرٸ قازاقستانعا 800 قاپ قانت تيەلگەن كٶلٸكتٸ شىعارۋعا كەدەرگٸ جاسادى. اقپاراتتى ۆەدومستۆونىڭ باسپاسٶز قىزمەتٸ ۇسىندى, - دەپ حابارلايدى Tengrinews.kz تٸلشٸسٸ "ۆزگلياد-ينفو" جەرگٸلٸكتٸ اقپاراتتىق باسىلىمىنا سٸلتەمە جاساپ.
اقپارات بويىنشا, رەسەي فەدەراتسيياسىنىڭ مەملەكەتتٸك شەكاراسىنا جاقىن جەردە ساراتوۆ وبلىسىنىڭ وزين اۋماعىندا كەدەن قىزمەتكەرلەرٸ تٸركەمەسٸ بار جٷك كٶلٸگٸن تەكسەرگەن, ول قۇجاتتارعا سەيكەس 20 توننا بيداي ۇنمەن كەلە جاتقان.
"تەكسەرۋ كەزٸندە ينسپەكتورلار ۇن پاكەتتەرٸنٸڭ استىنان سالماعى 40 توننا بولاتىن 800 قاپ اق قانت تاپتى, ونى قازٸرگٸ ۋاقىتتا رەسەي فەدەراتسيياسىنان ەكەتۋگە تىيىم سالىنعان", - دەپ تٷسٸندٸردٸ ساراتوۆ كەدەنٸنٸڭ بٶلٸم باستىعىنىڭ ورىنباسارى سەرگەي دۋشۋتين.
رف ەقبتك-نٸڭ 16.3-بابى "رەسەي فەدەراتسيياسىنان تاۋارلاردى ەكەتۋگە تىيىمدار مەن شەكتەۋلەردٸ ساقتاماۋ" بويىنشا ەكٸمشٸلٸك ٸس قوزعالدى.
زاڭ بۇزۋشىلارعا تاۋاردى تەركٸلەۋمەن قاتار 300 مىڭ رۋبلگە دەيٸن ايىپپۇل سالىنادى.
ساراتوۆ كەدەنٸ رەسەي فەدەراتسيياسى ٷكٸمەتٸنٸڭ 14 ناۋرىزداعى № 361 "رەسەي فەدەراتسيياسىنان اق قانت پەن شيكٸ قۇراق قانتىن ەكەتۋگە ۋاقىتشا تىيىم سالۋدى ەنگٸزۋ تۋرالى" قاۋلىسىمەن قانت ەكسپورتتاۋعا تىيىم سالىنعان تاۋارلار تٸزٸمٸنە ەنگٸزٸلگەنٸن ەسكە سالدى.
