«Qazgidromet» 4 qyrkúiekke arnalǵan aýa raiy boljamyn jariialady. Sinoptikterdiń málimetinshe, aldaǵy kúnderi Qazaqstannyń basym bóliginde kún jylynady, dep habarlaidy ult.kz.
Astanada 4 qyrkúiekte kún ala bultty bolady, jaýyn-shashyn kútilmeidi. Jel ońtústik-batystan soǵyp, túnde sekýndyna 2–7 metr, kúndiz 5–10 metrge deiin jetedi. Aýa temperatýrasy túnde +7…+9°C, kúndiz +25…+27°C bolady.
Almatyda kún ala bultty bolady. Jańbyr jaýýy múmkin. Jel soltústik-shyǵystan sekýndyna 3–8 metr jyldamdyqpen soǵady. Túnde aýa temperatýrasy +12…+14°C, kúndiz +22…+24°C shamasynda bolady.
Shymkentte kún jyly bolady. 4 qyrkúiekte kúndiz ótkinshi jańbyr jaýyp, naizaǵai oinaýy jáne daýyl bolýy yqtimal. Jeldiń ekpini sekýndyna 20 metrge deiin kúsheiedi. Aýa temperatýrasy túnde +16…+18°C, kúndiz +28…+30°C aralyǵynda bolady.
Qazaqstannyń basqa óńirlerinde de kún jyly bolady. Kókshetaýda aýa temperatýrasy +24…+26°C, Qostanaida +27…+29°C, Pavlodarda +20…+22°C, Qaraǵandyda +21…+23°C, Jezqazǵanda +25…+27°C shamasynda bolady. Petropavlda jańbyr jaýyp, naizaǵai oinaýy múmkin.
Sinoptikterdiń boljamynsha, qyrkúiek aiynda Qazaqstanda aýa raiy qubylmaly bolǵanymen, jalpy ai jyly bolady dep kútiledi. Kei kúnderi temperatýra +30°C-tan joǵary kóterilip, keiin qaita salqyndaýy múmkin.
