4 paiyzdyq avtonesie boiynsha ár adam óz kezegin basqaǵa berýge ruqsat joq. Bul týraly «Ónerkásipti damytý qory» aktsionerlik qoǵamy basqarma tóraǵasynyń orynbasary Rinat Gapparov arnaiy brifingide aitty, dep habarlaidy QazAqparat.
«Avtonesie alǵysy keletin tutynýshylarǵa myna málimetti jetkizý mańyzdy. Avtosalonda bar kólikke ótinim berip, sol boiynsha nesieni jyldam ala qoiý múmkin emes. Baǵdarlama sharty boiynsha, kezekte kórsetilgen kóliktiń markasy men modelin ózgertýge bolmaidy. Tutynýshy VIN-kody bar tólem shotyn alyp qoiǵan bolsa, basqa kólikke aýystyra almaidy. Ainyp qalsa, basqa kólik alý úshin qaitadan basynan bastap kezekke turý kerek bolady», - dedi qordyń ókili.
Sondai-aq, ol kezektiń iesin de ózgertý múmkin emes ekenin eskertti.
«Naqty bir adamnyń atyna jazylǵan tólem shotyn basqa adamǵa berýge ruqsat joq. Iaǵni tólem shotyndaǵy jeke tulǵanyń aty-jónin órgertýge bolmaidy. Sonda tólem shotynda kórsetilgen kóliktiń túrin de, adamnyń atyn da ózgertý múmkin emes», - dedi Rinat Gapparov.
