4 پايىزدىق اۆتونەسيە بويىنشا ەر ادام ٶز كەزەگٸن باسقاعا بەرۋگە رۇقسات جوق. بۇل تۋرالى «ٶنەركەسٸپتٸ دامىتۋ قورى» اكتسيونەرلٸك قوعامى باسقارما تٶراعاسىنىڭ ورىنباسارى رينات گاپپاروۆ ارنايى بريفينگٸدە ايتتى, دەپ حابارلايدى قازاقپارات.
«اۆتونەسيە العىسى كەلەتٸن تۇتىنۋشىلارعا مىنا مەلٸمەتتٸ جەتكٸزۋ ماڭىزدى. اۆتوسالوندا بار كٶلٸككە ٶتٸنٸم بەرٸپ, سول بويىنشا نەسيەنٸ جىلدام الا قويۋ مٷمكٸن ەمەس. باعدارلاما شارتى بويىنشا, كەزەكتە كٶرسەتٸلگەن كٶلٸكتٸڭ ماركاسى مەن مودەلٸن ٶزگەرتۋگە بولمايدى. تۇتىنۋشى VIN-كودى بار تٶلەم شوتىن الىپ قويعان بولسا, باسقا كٶلٸككە اۋىستىرا المايدى. اينىپ قالسا, باسقا كٶلٸك الۋ ٷشٸن قايتادان باسىنان باستاپ كەزەككە تۇرۋ كەرەك بولادى», - دەدٸ قوردىڭ ٶكٸلٸ.
سونداي-اق, ول كەزەكتٸڭ يەسٸن دە ٶزگەرتۋ مٷمكٸن ەمەس ەكەنٸن ەسكەرتتٸ.
«ناقتى بٸر ادامنىڭ اتىنا جازىلعان تٶلەم شوتىن باسقا ادامعا بەرۋگە رۇقسات جوق. ياعني تٶلەم شوتىنداعى جەكە تۇلعانىڭ اتى-جٶنٸن ٶرگەرتۋگە بولمايدى. سوندا تٶلەم شوتىندا كٶرسەتٸلگەن كٶلٸكتٸڭ تٷرٸن دە, ادامنىڭ اتىن دا ٶزگەرتۋ مٷمكٸن ەمەس», - دەدٸ رينات گاپپاروۆ.
