Aqtóbe oblysynda «Vesenniaia Aralchinskaia» shahtasyndaǵy jarylystan 4 kenshiniń qaza bolýyna bailanysty ken ornynyń jumysy ýaqytsha toqtatylyp, qylmystyq is qozǵaldy, dep habarlaidy "Ult aqparat".
Ken ornyndaǵy jumysshylar óliminen soń Eńbek jáne halyqty áleýmettik qorǵaý ministrligi janynan arnaiy komissiia quryldy. Onyń quramynda eńbek inspektorlary, politsiia, jumysshylardyń ókili bar.
Búgin Óńirlik kommýnikatsiialar qyzmetinde ótken baspasóz máslihatynda sot-meditsinalyq saraptama taǵaiyndalǵany, «Vesenniaia Aralchinskaia» shahtasyndaǵy jumys ýaqytsha toqtatylǵany belgili boldy.
«Aldyn ala boljam boiynsha jumysshylar belgisiz gazdan ýlanyp qalǵan. Ázirge sot-meditsinalyq saraptama nátijesi shyqqan joq. Qazir ken ornynyń jumysy toqtap tur. Oqiǵa ornynda tergeý amaldary júrgizilip jatyr. Qylmystyq is qozǵaldy», - dedi oblystyq Eńbek inspektsiiasy jónindegi basqarmanyń bólim basshysy Qýanysh Qamiev.
Oqiǵa saldarynan qaza bolǵan kenshilerdiń úsheýi – Hromtaý, bireýi Qarǵaly aýdanynyń turǵyny.
«Ken ornynda jarylys júrgiziletin kezde janynda basshylary bolýy tiis. Biraq olar janynan tabylmaǵan. Sonymen birge jarylys jasaityn bir jumysshynyń qujaty bolmaǵan. Tergeýdiń ádil ári ashyq bolǵanyn qalaimyz», - dedi qaza bolǵan Rýstam Shámetovtiń inisi Mádi Shámetov.
Tórt jumysshynyń artynda onnan astam bala qaldy. Bári de kámelet jasqa tolmaǵan.
«Aqtóbe mys kompaniiasy qaza bolǵan jumysshylardyń otbasyna 20 million teńge bóldi. Bul – birjolǵy kómek. Sonymen birge barlyǵynyń baspana máselesi sheshiledi. Iaǵni, ár otbasyna bir páter beriledi. Olar páterdi aýdan ortalyǵynan nemese Aqtóbe qalasynan ala alady. Balalary 18 jasqa jetkenshe ákeleriniń eńbekaqysyn alyp otyrady. Al aman qalǵan jumysshyǵa densaýlyǵyn qalpyna keltirý úshin 5 million teńge birjolǵy kómek beriledi», - dedi Aqtóbe Eńbek inspektsiiasy basqarmasynyń eńbek inspektory Artýr Áýezov.
Eske salsaq, 30 jeltoqsan kúni saǵat 21:21-de Hromtaý aýdany Kóktaý kentinen 30 shaqyrym jerde ornalasqan «Aqtóbe mys kompaniiasy» JShS-niń «Vesenniaia Aralchinskaia» shahtasynda jarylys jumystaryn júrgizý kezinde tórt jumysshy kóz jumyp, bireýi aýrýhanaǵa tústi. Keiin dárigerler tekserip, ony úiine jiberdi.
