اقتٶبە وبلىسىندا «ۆەسەننيايا ارالچينسكايا» شاحتاسىنداعى جارىلىستان 4 كەنشٸنٸڭ قازا بولۋىنا بايلانىستى كەن ورنىنىڭ جۇمىسى ۋاقىتشا توقتاتىلىپ, قىلمىستىق ٸس قوزعالدى, دەپ حابارلايدى "ۇلت اقپارات".
كەن ورنىنداعى جۇمىسشىلار ٶلٸمٸنەن سوڭ ەڭبەك جەنە حالىقتى ەلەۋمەتتٸك قورعاۋ مينيسترلٸگٸ جانىنان ارنايى كوميسسييا قۇرىلدى. ونىڭ قۇرامىندا ەڭبەك ينسپەكتورلارى, پوليتسييا, جۇمىسشىلاردىڭ ٶكٸلٸ بار.
بٷگٸن ٶڭٸرلٸك كوممۋنيكاتسييالار قىزمەتٸندە ٶتكەن باسپاسٶز مەسليحاتىندا سوت-مەديتسينالىق ساراپتاما تاعايىندالعانى, «ۆەسەننيايا ارالچينسكايا» شاحتاسىنداعى جۇمىس ۋاقىتشا توقتاتىلعانى بەلگٸلٸ بولدى.
«الدىن الا بولجام بويىنشا جۇمىسشىلار بەلگٸسٸز گازدان ۋلانىپ قالعان. ەزٸرگە سوت-مەديتسينالىق ساراپتاما نەتيجەسٸ شىققان جوق. قازٸر كەن ورنىنىڭ جۇمىسى توقتاپ تۇر. وقيعا ورنىندا تەرگەۋ امالدارى جٷرگٸزٸلٸپ جاتىر. قىلمىستىق ٸس قوزعالدى», - دەدٸ وبلىستىق ەڭبەك ينسپەكتسيياسى جٶنٸندەگٸ باسقارمانىڭ بٶلٸم باسشىسى قۋانىش قاميەۆ.
وقيعا سالدارىنان قازا بولعان كەنشٸلەردٸڭ ٷشەۋٸ – حرومتاۋ, بٸرەۋٸ قارعالى اۋدانىنىڭ تۇرعىنى.
«كەن ورنىندا جارىلىس جٷرگٸزٸلەتٸن كەزدە جانىندا باسشىلارى بولۋى تيٸس. بٸراق ولار جانىنان تابىلماعان. سونىمەن بٸرگە جارىلىس جاسايتىن بٸر جۇمىسشىنىڭ قۇجاتى بولماعان. تەرگەۋدٸڭ ەدٸل ەرٸ اشىق بولعانىن قالايمىز», - دەدٸ قازا بولعان رۋستام شەمەتوۆتٸڭ ٸنٸسٸ مەدي شەمەتوۆ.
تٶرت جۇمىسشىنىڭ ارتىندا وننان استام بالا قالدى. بەرٸ دە كەمەلەت جاسقا تولماعان.
«اقتٶبە مىس كومپانيياسى قازا بولعان جۇمىسشىلاردىڭ وتباسىنا 20 ميلليون تەڭگە بٶلدٸ. بۇل – بٸرجولعى كٶمەك. سونىمەن بٸرگە بارلىعىنىڭ باسپانا مەسەلەسٸ شەشٸلەدٸ. ياعني, ەر وتباسىنا بٸر پەتەر بەرٸلەدٸ. ولار پەتەردٸ اۋدان ورتالىعىنان نەمەسە اقتٶبە قالاسىنان الا الادى. بالالارى 18 جاسقا جەتكەنشە ەكەلەرٸنٸڭ ەڭبەكاقىسىن الىپ وتىرادى. ال امان قالعان جۇمىسشىعا دەنساۋلىعىن قالپىنا كەلتٸرۋ ٷشٸن 5 ميلليون تەڭگە بٸرجولعى كٶمەك بەرٸلەدٸ», - دەدٸ اقتٶبە ەڭبەك ينسپەكتسيياسى باسقارماسىنىڭ ەڭبەك ينسپەكتورى ارتۋر ەۋەزوۆ.
ەسكە سالساق, 30 جەلتوقسان كٷنٸ ساعات 21:21-دە حرومتاۋ اۋدانى كٶكتاۋ كەنتٸنەن 30 شاقىرىم جەردە ورنالاسقان «اقتٶبە مىس كومپانيياسى» جشس-نٸڭ «ۆەسەننيايا ارالچينسكايا» شاحتاسىندا جارىلىس جۇمىستارىن جٷرگٸزۋ كەزٸندە تٶرت جۇمىسشى كٶز جۇمىپ, بٸرەۋٸ اۋرۋحاناعا تٷستٸ. كەيٸن دەرٸگەرلەر تەكسەرٸپ, ونى ٷيٸنە جٸبەردٸ.
