Qarmet jetkizýshiler men merdigerlermen ózara is-qimyldyń ashyq ári yńǵaily júiesin damytýdy jalǵastyrýda. Qazaqstandaǵy iri metallýrgiialyq kásiporynmen áriptestik ornatýǵa múddeli kompaniialar úshin QPartners mamandandyrylǵan portaly jumys isteidi — bul Qarmet-tiń resmi tsifrlyq satyp alý alańy. Qazirgi ýaqytta platformada 3 667 jetkizýshi men merdiger tirkelgen, 400-den astam belsendi tender ótkizilýde, dep habarlaidy Ult.kz.
QPartners arqyly jetkizýshiler tenderler men aýktsiondarǵa qatysýǵa ótinim bere alady, aldyn ala biliktilik irikteýinen ótedi, kompaniia týraly derekterin jańartady jáne ózara is-qimyldyń keiingi kezeńderin qadaǵalai alady. Áleýetti jetkizýshilerge negizgi aqparat alý úshin Qarmet-tiń ártúrli bólimshelerine júginýdiń qajeti joq: satyp alýlarǵa qatysty negizgi málimetter, qatysýshylarǵa qoiylatyn talaptar, nusqaýlyqtar men qajetti qujattar bir tsifrlyq alańda shoǵyrlandyrylǵan.
Qarmet-pen sheteldik kompaniialar da, qazaqstandyq jetkizýshiler de yntymaqtastyq ornatqan. Seriktester túrli baǵyttarda qyzmet kórsetedi: tehnologiialyq jabdyqtardy jetkizedi, ǵylymi-zertteý jáne qurylys-montaj jumystaryn oryndaidy, jóndeý jáne kepildik qyzmet kórsetýdi júzege asyrady. Kompaniianyń senimdi seriktesteriniń biri — «Remekologiia» JShS. Temirtaýda ornalasqan bul kásiporyn metallýrgiialyq jabdyqtardy jóndeýge mamandanǵan.
«Biz Qarmet-pen kompaniia qurylǵan sátten bastap jumys istep kelemiz. Osy ýaqyt ishinde turaqty ári tiimdi áriptestik qalyptastyrdyq. Biz úshin kompaniianyń dialogqa ashyq bolýy, jumystardyń sapasyna joǵary talap qoiýy jáne jergilikti jetkizýshilerdiń damýyna jaǵdai jasaýy asa mańyzdy. Qarmet jobalaryna qatysý bizge quzyretterimizdi keńeitýge, óndiristik protsesterdi jetildirýge jáne bolashaq damýdy senimdi josparlaýǵa múmkindik beredi», — dep atap ótti kompaniia ókilderi.
Ónerkásiptik kooperatsiiany damytýdyń tabysty mysaldarynyń biri — Qarmet Service bazasynda qurylǵan klaster. Shamamen 20 myń sharshy metr aýmaqta ornalasqan bul alańda ónerkásipke qajetti ónim shyǵaratyn jergilikti kásiporyndar shoǵyrlanǵan. Klaster aiasyndaǵy alǵashqy joba — «Glovex» JShS-niń trikotaj qolǵaptaryn óndirýi. Onyń ereksheligi — tuiyq tsikl ekonomikasy qaǵidattaryn qoldaný: shikizat retinde toqyma qaldyqtary, sonyń ishinde Qarmet bólimshelerinde paidalanylǵan arnaiy kiimder qaita óńdeledi. Bul qaldyq kólemin azaitýǵa, ekologiialyq júktemeni tómendetýge jáne qazaqstandyq qamtý úlesin arttyrýǵa múmkindik beredi. Ónerkásiptik klaster kásiporyndary da QPartners portaly arqyly tapsyrystar qabyldai alady, bul alań Qarmet-ti qoldanystaǵy jáne áleýetti jetkizýshilermen bailanystyrady.
«QPartners — bul tek satyp alýlarǵa qatysýǵa arnalǵan elektrondyq alań ǵana emes. Bul Qarmet-pen ashyq ári uzaq merzimdi qarym-qatynas ornatqysy keletin, óz quzyretterin usynýǵa jáne ónerkásiptik óndiristi damytý jónindegi aýqymdy baǵdarlamaǵa qatysýǵa nietti kompaniialar úshin biryńǵai tsifrlyq tereze. Portal paidalanýshylary úshin tehnikalyq qoldaý qyzmeti jumys isteidi. Keńester jumys kúnderi saǵat 08:00-den 17:00-ge deiin beriledi. Mamandarǵa 8 (7213) 96-51-69, 8 (7213) 96-57-50 telefondary arqyly nemese support@qpartners.kz elektrondyq poshtasy arqyly júginýge bolady», — dep habarlady Qarmet kompaniiasy.
Tirkelip, qoljetimdi múmkindiktermen qpartners.kz portalynda tanysýǵa bolady.
