Sýret: Golos naroda
Zańsyz shyǵarylǵan aktivterdi qaitarý jónindegi Memleket basshysynyń tapsyrmalaryn oryndaý úshin Bas prokýratýra basqa da jaýapty memlekettik organdarmen birlesip, tiisti keshendi sharalar atqarýda, dep habarlaidy "Ult aqparat".
Negizgi maqsat – mundai aktivterdi Qazaqstan turǵyndarynyń igiligi úshin zańdy ainalymǵa shuǵyl tartý.
Aktivterdi qaitarý protsesi qatań túrde Zańǵa sáikes jáne Zańnyń ólshemsharttaryna sáikes keletin adamdarǵa ǵana qatysty júrgizilýde.
Qazirgi ýaqytta Bas prokýratýra eldegi 1 myńnan astam jáne sheteldegi 150-den astam múlik obektileri týraly málimetterdi taldaýda. Taldaýmen taǵy 600 mlrd teńgeniń baǵaly qaǵazdary qamtylǵan. Elimizde 200-den astam jáne shetelde 140 bank shottary anyqtaldy. 2 trln teńgege jýyq kúdikti tranzaktsiialar tekserilýde.
Osy jumystyń nátijesinde Premer-Ministrdiń basshylyǵymen Komissiia 325 mlrd teńgeden astam somaǵa aktivterdi memleketke qaitarý týraly kelisimder men talap qoiýlardy maquldady, onyń ishinde 272 mlrd teńge teńgerimindegi aqshalai qarajat. Olar mańyzdy áleýmettik jáne ekonomikalyq jobalardy júzege asyrýǵa baǵyttalatyn bolady.
Sondai-aq elimizdegi jáne sheteldegi quny 50 mlrd teńgeden asatyn aktivter memleketke berildi. Olardyń ishinde birqatar strategiialyq ken oryndary, monopolistik kompaniialar, ondaǵan myń gektar jer, sondai-aq óndiris obektileri, qonaq úiler, biznes ortalyqtary, villalar, páterler, sándi kólikter, zergerlik buiymdar jáne taǵy basqalar.
Budan basqa, Tizilimniń keibir sýbektileri óz erkimen jalpy quny 30 mlrd teńgeni quraityn joǵary tehnologiialyq investjobalardy júzege asyrýǵa mindetteme aldy. Olardyń ishinde qubyrlar, qaptamalar, himiialyq, azyq-túlik jáne t.b. ónimderdi shyǵaratyn óndiris obektileri. Osylaisha, keminde 300 jańa jumys ornyn qurý josparlanýda, jyldyq salyq tólemderi 1 mlrd teńgeden astam bolýy tiis.
Aktivterdi qaitarý protsesiniń taǵy bir mańyzdy bóligi - áleýmettik jobalardy júzege asyrý. Máselen, Tizilimdegi tulǵalar óz erkimen qyzmetterin erekshe qajettilikteri bar adamdar jáne basqa da áleýmettik osal toptar tegin paidalana alatyn, quny 5 mlrd teńgeden asatyn zamanaýi mádeni-aǵartý ortalyǵyn salynýǵa mindetteme aldy.
Bas prokýratýranyń Aktivterdi qaitarý jónindegi komitetiniń májbúrlep qaitarý tetikterin iske asyrý sheńberinde kóptegen, onyń ishinde paida bolýy túsiniksiz aktivterge qatysty talap qoiýlar berildi.
Olardyń biri boiynsha 11 mln AQSh dollarynan astam qarjyny, sondai-aq 400 mln teńge somasyna zergerlik buiymdar men mádeni qundylyqtardy májbúrlep qaitarý týraly sot sheshimi qabyldanyp, kúshine endi.
Jalpy, 2022 jyldan bastap ekonomikany demonopolizatsiialaý sharalaryn qosa alǵanda jalpy somasy shamamen 1,7 trln teńgeniń aktivteri, onyń ishinde shetelden 750 mln AQSh dollary memleketke qaitaryldy.
Bul baǵytta jumystar jalǵasýda.
