Natasha Qalymbetova Qasqajol YouTube arnasyna alǵash ret kólemdi suhbat berdi, dep habarlaidy ult.kz.
Ol suhbat barysynda basynan ótken qorqynyshty kúnder týraly aitty. Ol osydan 2 ai buryn áleýmettik jelige basynan ótken oqiǵany baiandaǵan. Video áleýmettik jelide keń taralyp, 1 kúnge jetpei million qaralym jiǵan. Sol kúni keshke Astana qalasynan IIM adamdary habarlasyp, is qozǵalǵanyn, elge oralý keregin aitady.
«Meni zorlaǵandardy tanymaimyn. Ekeýi eki klastasymnyń aǵasy, olardy jaqsy bilemin. Biraq aralastyǵym joq, Úshinshi jigittiń aty-jónin esime túsirip aittym, al qalǵanyn bilmeimin. Onyń bárin politsiia qarap jatyr. Meniń ishimdi órteitin bir nárse — qyzymnyń qaida ekenin beihabarmyn. Ol shetel asty ma álde organdaryn tapsyryp jiberdi me esh habarym joq. Osyǵan deiin bul týraly tek eki adamǵa aittym. Men sharasyz boldym. Negizi ákemniń inisi «Balalar úiinde» qyzmet etken. Biraq qansha tyryssam da ol kisige bettep, surai almadym, ózi meni tartpaityn. Meniń oiymsha, sol aǵam men anam qyzymnyń qaida ekenin biledi. Qyzymdy qaida, qalai jibergenin aǵam biledi. Meniń biletinim qyzym 3 jasqa deiin «Balalar úiinde» boldy. Jańa jylda bosanǵan soń qaraýsyz qaldym. Eshkim izdep kelmeitin áiel, balasy «otkaznoi» degen sózder boldy. 9 kún perzenthanada jatyp, ol jerden shyǵaryp jibergenshe qyzymdy emizdim. Sol jerdegiler meniń jaǵdaiymdy túsinetinin alaida úi-kúisiz, jumyssyz stýdentke bala bermeitinin, eseiip esimdi jiǵan ýaqytta qyzymdy alyp ketetinimdi aityp, qolyma meken jai jazylǵan qaǵaz ustatty», - dedi ol.
Sondai-aq Natasha Qalymbetova 32 jyldan keiin ózin klastasynyń úiinde zorlaǵanyn, sol umytylmas kúni ne bolǵanyn jylap otyryp aityp berdi.
