ناتاشا قالىمبەتوۆا Qasqajol YouTube ارناسىنا العاش رەت كٶلەمدٸ سۇحبات بەردٸ, دەپ حابارلايدى ult.kz.
ول سۇحبات بارىسىندا باسىنان ٶتكەن قورقىنىشتى كٷندەر تۋرالى ايتتى. ول وسىدان 2 اي بۇرىن ەلەۋمەتتٸك جەلٸگە باسىنان ٶتكەن وقيعانى بايانداعان. ۆيدەو ەلەۋمەتتٸك جەلٸدە كەڭ تارالىپ, 1 كٷنگە جەتپەي ميلليون قارالىم جيعان. سول كٷنٸ كەشكە استانا قالاسىنان ٸٸم ادامدارى حابارلاسىپ, ٸس قوزعالعانىن, ەلگە ورالۋ كەرەگٸن ايتادى.
«مەنٸ زورلاعانداردى تانىمايمىن. ەكەۋٸ ەكٸ كلاستاسىمنىڭ اعاسى, ولاردى جاقسى بٸلەمٸن. بٸراق ارالاستىعىم جوق, ٷشٸنشٸ جٸگٸتتٸڭ اتى-جٶنٸن ەسٸمە تٷسٸرٸپ ايتتىم, ال قالعانىن بٸلمەيمٸن. ونىڭ بەرٸن پوليتسييا قاراپ جاتىر. مەنٸڭ ٸشٸمدٸ ٶرتەيتٸن بٸر نەرسە — قىزىمنىڭ قايدا ەكەنٸن بەيحابارمىن. ول شەتەل استى ما ەلدە ورگاندارىن تاپسىرىپ جٸبەردٸ مە ەش حابارىم جوق. وسىعان دەيٸن بۇل تۋرالى تەك ەكٸ ادامعا ايتتىم. مەن شاراسىز بولدىم. نەگٸزٸ ەكەمنٸڭ ٸنٸسٸ «بالالار ٷيٸندە» قىزمەت ەتكەن. بٸراق قانشا تىرىسسام دا ول كٸسٸگە بەتتەپ, سۇراي المادىم, ٶزٸ مەنٸ تارتپايتىن. مەنٸڭ ويىمشا, سول اعام مەن انام قىزىمنىڭ قايدا ەكەنٸن بٸلەدٸ. قىزىمدى قايدا, قالاي جٸبەرگەنٸن اعام بٸلەدٸ. مەنٸڭ بٸلەتٸنٸم قىزىم 3 جاسقا دەيٸن «بالالار ٷيٸندە» بولدى. جاڭا جىلدا بوسانعان سوڭ قاراۋسىز قالدىم. ەشكٸم ٸزدەپ كەلمەيتٸن ەيەل, بالاسى «وتكازنوي» دەگەن سٶزدەر بولدى. 9 كٷن پەرزەنتحانادا جاتىپ, ول جەردەن شىعارىپ جٸبەرگەنشە قىزىمدى ەمٸزدٸم. سول جەردەگٸلەر مەنٸڭ جاعدايىمدى تٷسٸنەتٸنٸن الايدا ٷي-كٷيسٸز, جۇمىسسىز ستۋدەنتكە بالا بەرمەيتٸنٸن, ەسەيٸپ ەسٸمدٸ جيعان ۋاقىتتا قىزىمدى الىپ كەتەتٸنٸمدٸ ايتىپ, قولىما مەكەن جاي جازىلعان قاعاز ۇستاتتى», - دەدٸ ول.
سونداي-اق ناتاشا قالىمبەتوۆا 32 جىلدان كەيٸن ٶزٸن كلاستاسىنىڭ ٷيٸندە زورلاعانىن, سول ۇمىتىلماس كٷنٸ نە بولعانىن جىلاپ وتىرىپ ايتىپ بەردٸ.
