2021 jyly múlikti jalǵa bergen nemese múlikti ótkizý kezinde qun ósiminen tabys tapqan jeke tulǵalar 2022 jyldyń 31 naýryzynan keshiktirmei salyq deklaratsiiasyn usynýy kerek. Bul týraly QR QM Memlekettik kirister komiteti habarlady, dep jazady QazAqparat.
2022 jylǵy 31 naýryzda 2021 jylǵa «Jeke tabys salyǵy boiynsha deklaratsiia» 240.00-nysanyn tapsyrý merzimi aiaqtalady.
Deklaratsiiany jeke tulǵalar tabystardyń mynadai túrlerin alǵan kezde tabys etedi:
- salyq agentteri bolyp tabylmaityn tulǵalarǵa múlikti jalǵa berýden túsetin kiris;
- Qazaqstan Respýblikasynda múlikti (menshik quqyǵy týyndaǵan kúnnen bastap ótkizý kúnine deiin nysanaly maqsaty jeke turǵyn úi qurylysy, saiajai qurylysy, jeke qosalqy sharýashylyqty júrgizý, garaj salý, sondai-aq obektiler, mehanikalyq kólik quraldary jáne (nemese) tirkemeler ornalaspaǵan baǵbandyq bolyp tabylatyn, keminde bir jyl menshik quqyǵyndaǵy páterler, úiler, saiajai qurylystary, garajdar, jeke qosalqy sharýashylyq obektileri, jer ýchaskeleri jáne (nemese) jer úlesteri) ótkizý kezinde qun ósiminen túsetin kiris;
- Qazaqstan Respýblikasynda ózge múlikti (jyljymaityn múlikti, jer ýchaskelerin jáne (nemese) jer úlesterin, investitsiialyq altyndy, baǵaly qaǵazdardy, týyndy qarjy quraldaryn, zańdy tulǵanyń jarǵylyq kapitalyna qatysý úlesin) ótkizý kezinde qun ósiminen túsetin kiris;
- talap etý quqyǵyn, onyń ishinde turǵyn úi qurylysyna úlestik qatysý týraly shart boiynsha turǵyn úidegi (ǵimarattaǵy) úlesti talap etý quqyǵyn basqaǵa berýden túsetin kiris;
- Qazaqstan Respýblikasynan tys jerlerdegi kózderden alynǵan múlikti ótkizýden (múlikti, baǵaly qaǵazdardy, boryshtyq baǵaly qaǵazdardy, qatysý úlesin ótkizýden) túsken kiris;
- jarǵylyq kapitalǵa salym retinde múlikti (aqshadan basqa) berý kezinde qun ósiminen túsetin kiris;
- shaǵyn biznes sýbektileri úshin ne sharýa nemese fermer qojalyqtary úshin arnaýly salyq rejimin qoldanatyn dara kásipkerdiń ózge de aktivterin ótkizý kezinde qun ósiminen túsetin kiris.
Budan basqa, deklaratsiianyń 240.00-nysanyn óz tabystary boiynsha advokattar, notariýstar, sot oryndaýshylary, mediatorlar, eńbekshi kóship kelýshiler-rezidentter, úi qyzmetkerleri, beirezident-jeke tulǵalar Salyq kodeksiniń 19-bólimine sáikes shet memleketterdiń diplomatiialyq jáne olarǵa teńestirilgen ókildikterimen, konsýldyq mekemelerimen jasalǵan eńbek sharttary (kelisimsharttary) jáne (nemese) azamattyq-quqyqtyq sipattaǵy sharttar boiynsha jumysker tabysyn alǵan Qazaqstan Respýblikasynyń azamattary, Salyq kodeksiniń normalaryna sáikes salyq agentteri bolyp tabylmaityn qoǵamdyq uiymdar men qorlar, sondai-aq 2021 jylǵy 31 jeltoqsandaǵy jaǵdai boiynsha Qazaqstan Respýblikasynan tys jerlerde tirkelgen jyljymaityn múlkke, baǵaly qaǵazdarǵa menshik quqyǵy, zańdy tulǵanyń jarǵylyq kapitalyna qatysý úlesi bar jeke tulǵalar tapsyrýǵa mindetti.
Jyldyń qorytyndysymen jeke tulǵa 2022 jylǵy 10 sáýirden keshiktirmei, kiristiń 10% mólsherinde derbes tóleýi qajet.
Deklaratsiiany jeke tulǵalar ornalasqan (turǵylyqty) jeri boiynsha salyq organyna qaǵaz túrinde jáne «e-Salyq Azamat» mobildi qosymshasy nemese cabinet.salyk.kz web-portaldaǵy Salyq tóleýshiniń kabineti arqyly elektrondy túrde tapsyra alady.
