2021 جىلى مٷلٸكتٸ جالعا بەرگەن نەمەسە مٷلٸكتٸ ٶتكٸزۋ كەزٸندە قۇن ٶسٸمٸنەن تابىس تاپقان جەكە تۇلعالار 2022 جىلدىڭ 31 ناۋرىزىنان كەشٸكتٸرمەي سالىق دەكلاراتسيياسىن ۇسىنۋى كەرەك. بۇل تۋرالى قر قم مەملەكەتتٸك كٸرٸستەر كوميتەتٸ حابارلادى, دەپ جازادى قازاقپارات.
2022 جىلعى 31 ناۋرىزدا 2021 جىلعا «جەكە تابىس سالىعى بويىنشا دەكلاراتسييا» 240.00-نىسانىن تاپسىرۋ مەرزٸمٸ اياقتالادى.
دەكلاراتسييانى جەكە تۇلعالار تابىستاردىڭ مىناداي تٷرلەرٸن العان كەزدە تابىس ەتەدٸ:
- سالىق اگەنتتەرٸ بولىپ تابىلمايتىن تۇلعالارعا مٷلٸكتٸ جالعا بەرۋدەن تٷسەتٸن كٸرٸس;
- قازاقستان رەسپۋبليكاسىندا مٷلٸكتٸ (مەنشٸك قۇقىعى تۋىنداعان كٷننەن باستاپ ٶتكٸزۋ كٷنٸنە دەيٸن نىسانالى ماقساتى جەكە تۇرعىن ٷي قۇرىلىسى, ساياجاي قۇرىلىسى, جەكە قوسالقى شارۋاشىلىقتى جٷرگٸزۋ, گاراج سالۋ, سونداي-اق وبەكتٸلەر, مەحانيكالىق كٶلٸك قۇرالدارى جەنە (نەمەسە) تٸركەمەلەر ورنالاسپاعان باعباندىق بولىپ تابىلاتىن, كەمٸندە بٸر جىل مەنشٸك قۇقىعىنداعى پەتەرلەر, ٷيلەر, ساياجاي قۇرىلىستارى, گاراجدار, جەكە قوسالقى شارۋاشىلىق وبەكتٸلەرٸ, جەر ۋچاسكەلەرٸ جەنە (نەمەسە) جەر ٷلەستەرٸ) ٶتكٸزۋ كەزٸندە قۇن ٶسٸمٸنەن تٷسەتٸن كٸرٸس;
- قازاقستان رەسپۋبليكاسىندا ٶزگە مٷلٸكتٸ (جىلجىمايتىن مٷلٸكتٸ, جەر ۋچاسكەلەرٸن جەنە (نەمەسە) جەر ٷلەستەرٸن, ينۆەستيتسييالىق التىندى, باعالى قاعازداردى, تۋىندى قارجى قۇرالدارىن, زاڭدى تۇلعانىڭ جارعىلىق كاپيتالىنا قاتىسۋ ٷلەسٸن) ٶتكٸزۋ كەزٸندە قۇن ٶسٸمٸنەن تٷسەتٸن كٸرٸس;
- تالاپ ەتۋ قۇقىعىن, ونىڭ ٸشٸندە تۇرعىن ٷي قۇرىلىسىنا ٷلەستٸك قاتىسۋ تۋرالى شارت بويىنشا تۇرعىن ٷيدەگٸ (عيماراتتاعى) ٷلەستٸ تالاپ ەتۋ قۇقىعىن باسقاعا بەرۋدەن تٷسەتٸن كٸرٸس;
- قازاقستان رەسپۋبليكاسىنان تىس جەرلەردەگٸ كٶزدەردەن الىنعان مٷلٸكتٸ ٶتكٸزۋدەن (مٷلٸكتٸ, باعالى قاعازداردى, بورىشتىق باعالى قاعازداردى, قاتىسۋ ٷلەسٸن ٶتكٸزۋدەن) تٷسكەن كٸرٸس;
- جارعىلىق كاپيتالعا سالىم رەتٸندە مٷلٸكتٸ (اقشادان باسقا) بەرۋ كەزٸندە قۇن ٶسٸمٸنەن تٷسەتٸن كٸرٸس;
- شاعىن بيزنەس سۋبەكتٸلەرٸ ٷشٸن نە شارۋا نەمەسە فەرمەر قوجالىقتارى ٷشٸن ارناۋلى سالىق رەجيمٸن قولداناتىن دارا كەسٸپكەردٸڭ ٶزگە دە اكتيۆتەرٸن ٶتكٸزۋ كەزٸندە قۇن ٶسٸمٸنەن تٷسەتٸن كٸرٸس.
بۇدان باسقا, دەكلاراتسييانىڭ 240.00-نىسانىن ٶز تابىستارى بويىنشا ادۆوكاتتار, نوتاريۋستار, سوت ورىنداۋشىلارى, مەدياتورلار, ەڭبەكشٸ كٶشٸپ كەلۋشٸلەر-رەزيدەنتتەر, ٷي قىزمەتكەرلەرٸ, بەيرەزيدەنت-جەكە تۇلعالار سالىق كودەكسٸنٸڭ 19-بٶلٸمٸنە سەيكەس شەت مەملەكەتتەردٸڭ ديپلوماتييالىق جەنە ولارعا تەڭەستٸرٸلگەن ٶكٸلدٸكتەرٸمەن, كونسۋلدىق مەكەمەلەرٸمەن جاسالعان ەڭبەك شارتتارى (كەلٸسٸمشارتتارى) جەنە (نەمەسە) ازاماتتىق-قۇقىقتىق سيپاتتاعى شارتتار بويىنشا جۇمىسكەر تابىسىن العان قازاقستان رەسپۋبليكاسىنىڭ ازاماتتارى, سالىق كودەكسٸنٸڭ نورمالارىنا سەيكەس سالىق اگەنتتەرٸ بولىپ تابىلمايتىن قوعامدىق ۇيىمدار مەن قورلار, سونداي-اق 2021 جىلعى 31 جەلتوقسانداعى جاعداي بويىنشا قازاقستان رەسپۋبليكاسىنان تىس جەرلەردە تٸركەلگەن جىلجىمايتىن مٷلككە, باعالى قاعازدارعا مەنشٸك قۇقىعى, زاڭدى تۇلعانىڭ جارعىلىق كاپيتالىنا قاتىسۋ ٷلەسٸ بار جەكە تۇلعالار تاپسىرۋعا مٸندەتتٸ.
جىلدىڭ قورىتىندىسىمەن جەكە تۇلعا 2022 جىلعى 10 سەۋٸردەن كەشٸكتٸرمەي, كٸرٸستٸڭ 10% مٶلشەرٸندە دەربەس تٶلەۋٸ قاجەت.
دەكلاراتسييانى جەكە تۇلعالار ورنالاسقان (تۇرعىلىقتى) جەرٸ بويىنشا سالىق ورگانىنا قاعاز تٷرٸندە جەنە «e-Salyq Azamat» موبيلدٸ قوسىمشاسى نەمەسە cabinet.salyk.kz web-پورتالداعى سالىق تٶلەۋشٸنٸڭ كابينەتٸ ارقىلى ەلەكتروندى تٷردە تاپسىرا الادى.
