Foto:TJM
Tótenshe jaǵdailar ministrligi ókili Asqar Shárip óńirlerdegi sý tasqynyna bailanysty búgingi jaǵdaidy baiandady dep habarlaidy "Ult Aqparat".
"Atyraý, Aqtóbe, Batys Qazaqstan jáne Soltústik Qazaqstan oblystarynda sý tasqynyna qarsy is-sharalar, sý tasqyny saldaryn joiý jáne halyqqa kómek kórsetý boiynsha jumystar jalǵasýda. Batys Qazaqstan oblysynda Oral qalasynda Jaiyq ózeniniń sý deńgeii birtindep tómendep jatqany baiqalady, sý deńgeiine monitoring jalǵasýda. Qazirgi ýaqytta úilerdi sý basý oqiǵasy tirkelgen joq. Saiajaida qalyp qoiǵan turǵyndardyń bar-joǵyn tekserý úshin aralaý jumysy jalǵasýda", -deidi Asqar Shárip Ortalyq Kommýnikatsiialar Qyzmetinde ótken brifirgte.
Málimet boiynsha osy saǵatta respýblika boiynsha 31 112 adam óz úilerine oraldy. 8 566 adam, onyń ishinde 3 718 bala evakýatsiialaý pýnktterinde.
5 677 turǵyn úi men 2 584 aýla aýmaǵynan sýdyń baǵyty burylyp, sý soryldy. 11,7 mln astam tekshe metr erigen qar sýy soryp shyǵaryldy, 5,5 mln qapshyq jáne 1,5 mln astam tonna inertti material tóseldi. Jedel jeli telefonyna 2 205 qońyraý tústi.
Avariialyq-qutqarý jáne sý tasqynyna qarsy jumystarǵa 32 myńnan astam adam, 4 myń tehnika, 773 sý sorý quraly, 294 júzý quraly, 13 áýe kemesi jumyldyryldy.
