فوتو:تجم
تٶتەنشە جاعدايلار مينيسترلٸگٸ ٶكٸلٸ اسقار شەرٸپ ٶڭٸرلەردەگٸ سۋ تاسقىنىنا بايلانىستى بٷگٸنگٸ جاعدايدى باياندادى دەپ حابارلايدى "ۇلت اقپارات".
"اتىراۋ, اقتٶبە, باتىس قازاقستان جەنە سولتٷستٸك قازاقستان وبلىستارىندا سۋ تاسقىنىنا قارسى ٸس-شارالار, سۋ تاسقىنى سالدارىن جويۋ جەنە حالىققا كٶمەك كٶرسەتۋ بويىنشا جۇمىستار جالعاسۋدا. باتىس قازاقستان وبلىسىندا ورال قالاسىندا جايىق ٶزەنٸنٸڭ سۋ دەڭگەيٸ بٸرتٸندەپ تٶمەندەپ جاتقانى بايقالادى, سۋ دەڭگەيٸنە مونيتورينگ جالعاسۋدا. قازٸرگٸ ۋاقىتتا ٷيلەردٸ سۋ باسۋ وقيعاسى تٸركەلگەن جوق. ساياجايدا قالىپ قويعان تۇرعىنداردىڭ بار-جوعىن تەكسەرۋ ٷشٸن ارالاۋ جۇمىسى جالعاسۋدا", -دەيدٸ اسقار شەرٸپ ورتالىق كوممۋنيكاتسييالار قىزمەتٸندە ٶتكەن بريفيرگتە.
مەلٸمەت بويىنشا وسى ساعاتتا رەسپۋبليكا بويىنشا 31 112 ادام ٶز ٷيلەرٸنە ورالدى. 8 566 ادام, ونىڭ ٸشٸندە 3 718 بالا ەۆاكۋاتسييالاۋ پۋنكتتەرٸندە.
5 677 تۇرعىن ٷي مەن 2 584 اۋلا اۋماعىنان سۋدىڭ باعىتى بۇرىلىپ, سۋ سورىلدى. 11,7 ملن استام تەكشە مەتر ەرٸگەن قار سۋى سورىپ شىعارىلدى, 5,5 ملن قاپشىق جەنە 1,5 ملن استام توننا ينەرتتٸ ماتەريال تٶسەلدٸ. جەدەل جەلٸ تەلەفونىنا 2 205 قوڭىراۋ تٷستٸ.
اۆارييالىق-قۇتقارۋ جەنە سۋ تاسقىنىنا قارسى جۇمىستارعا 32 مىڭنان استام ادام, 4 مىڭ تەحنيكا, 773 سۋ سورۋ قۇرالى, 294 جٷزۋ قۇرالى, 13 ەۋە كەمەسٸ جۇمىلدىرىلدى.
