Jelidegi paraqshasynda ózin top erkek zorlap, júkti etkenin aitqan Natasha Qalymbetova Qasqa Jol YouTube arnasyna suhbat berip, basynan ótkenin egjei-tegjeili baiandady, dep habarlaidy ult.kz.
Natasha Qalymbetova qansha jyldan keiin bul oqiǵany ne úshin jariia etkenin túsindirdi.
"32 jyl buryn ózimniń týǵan aýylymda meni aiamai qorlap, zorlaǵan tórt jigit týraly eki ai buryn paraqshama salǵan bolatynmyn. Ishimde jatqan aýrýymdy elge aityp, pikir almasaiyn, tájirbieli psiholog kezigip qalar, menikindei jaǵdaidy ótkergender kómektesip qalar degen oimen bólistim. Qazir Tailandta turyp jatyrmyn. Sol jaqta jalǵa alǵan kóligimdi soǵyp aldym. Birnársege renjisem 32 jyl buryn bolyp ketken nárse esime túsedi. Sol kúni strespen jazdym da, biraq jariialamadym. Artynsha salyp edim bir kúnniń ishinde million qaralym jinapty. Erteńgi kúni Astanadan habarlasyp, is qozǵalǵanyn aityp elge qaitýymdy surady. 20-30 minýttan keiin Oraldan habarlasyp, qashan keletinimdi surady. Keiin Tailandtan elge baryp-kelýge bir aiǵa ruqsat aldym. Oralǵa kele sala aryz jazdym. Osyǵan deiin mundai jaǵdai tek meniń basymnan ótti dep oilaitynmyn. Videony júktegennen keiin kóp qyzdyń basynan ótkenin bildim. Kóp suraq kelgen soń tereńirek aita bastadym", - dedi kelinshek.
Taǵdyrdyń tepkisin kórgen ol qyzynan qalai kóz jazyp qalǵanyn baiandady.
Meni zorlaǵandardy tanymaimyn. Ekeýi eki klastasymnyń aǵasy, olardy jaqsy bilemin. Biraq aralastyǵym joq, Úshinshi jigittiń aty-jónin esime túsirip aittym, al qalǵanyn bilmeimin. Onyń bárin politsiia qarap jatyr. Meniń ishimdi órteitin bir nárse - qyzymnyń qaida ekenin beihabarmyn. Ol shetel asty ma álde organdaryn tapsyryp jiberdi me esh habarym joq. Osyǵan deiin bul týraly tek eki adamǵa aittym. Men sharasyz boldym. Negizi ákemniń inisi "Balalar úiinde" qyzmet etken. Biraq qansha tyryssam da ol kisige bettep, surai almadym, ózi meni tartpaityn. Meniń oiymsha, sol aǵam men anam qyzymnyń qaida ekenin biledi. Qyzymdy qaida, qalai jibergenin aǵam biledi. Meniń biletinim qyzym 3 jasqa deiin "Balalar úiinde" boldy. Jańa jylda bosanǵan soń qaraýsyz qaldym. Eshkim izdep kelmeitin áiel, balasy "otkaznoi" degen sózder boldy. 9 kún perzenthanada jatyp, ol jerden shyǵaryp jibergenshe qyzymdy emizdim. Sol jerdegiler meniń jaǵdaiymdy túsinetinin alaida úi-kúisiz, jumyssyz stýdentke bala bermeitinin, eseiip esimdi jiǵan ýaqytta qyzymdy alyp ketetinimdi aityp, qolyma meken jai jazylǵan qaǵaz ustatty", - dedi ol.
