جەلٸدەگٸ پاراقشاسىندا ٶزٸن توپ ەركەك زورلاپ, جٷكتٸ ەتكەنٸن ايتقان ناتاشا قالىمبەتوۆا Qasqa Jol YouTube ارناسىنا سۇحبات بەرٸپ, باسىنان ٶتكەنٸن ەگجەي-تەگجەيلٸ باياندادى, دەپ حابارلايدى ult.kz.
ناتاشا قالىمبەتوۆا قانشا جىلدان كەيٸن بۇل وقيعانى نە ٷشٸن جارييا ەتكەنٸن تٷسٸندٸردٸ.
"32 جىل بۇرىن ٶزٸمنٸڭ تۋعان اۋىلىمدا مەنٸ اياماي قورلاپ, زورلاعان تٶرت جٸگٸت تۋرالى ەكٸ اي بۇرىن پاراقشاما سالعان بولاتىنمىن. ٸشٸمدە جاتقان اۋرۋىمدى ەلگە ايتىپ, پٸكٸر الماسايىن, تەجٸربيەلٸ پسيحولوگ كەزٸگٸپ قالار, مەنٸكٸندەي جاعدايدى ٶتكەرگەندەر كٶمەكتەسٸپ قالار دەگەن ويمەن بٶلٸستٸم. قازٸر تايلاندتا تۇرىپ جاتىرمىن. سول جاقتا جالعا العان كٶلٸگٸمدٸ سوعىپ الدىم. بٸرنەرسەگە رەنجٸسەم 32 جىل بۇرىن بولىپ كەتكەن نەرسە ەسٸمە تٷسەدٸ. سول كٷنٸ سترەسپەن جازدىم دا, بٸراق جارييالامادىم. ارتىنشا سالىپ ەدٸم بٸر كٷننٸڭ ٸشٸندە ميلليون قارالىم جيناپتى. ەرتەڭگٸ كٷنٸ استانادان حابارلاسىپ, ٸس قوزعالعانىن ايتىپ ەلگە قايتۋىمدى سۇرادى. 20-30 مينۋتتان كەيٸن ورالدان حابارلاسىپ, قاشان كەلەتٸنٸمدٸ سۇرادى. كەيٸن تايلاندتان ەلگە بارىپ-كەلۋگە بٸر ايعا رۇقسات الدىم. ورالعا كەلە سالا ارىز جازدىم. وسىعان دەيٸن مۇنداي جاعداي تەك مەنٸڭ باسىمنان ٶتتٸ دەپ ويلايتىنمىن. ۆيدەونى جٷكتەگەننەن كەيٸن كٶپ قىزدىڭ باسىنان ٶتكەنٸن بٸلدٸم. كٶپ سۇراق كەلگەن سوڭ تەرەڭٸرەك ايتا باستادىم", - دەدٸ كەلٸنشەك.
تاعدىردىڭ تەپكٸسٸن كٶرگەن ول قىزىنان قالاي كٶز جازىپ قالعانىن باياندادى.
مەنٸ زورلاعانداردى تانىمايمىن. ەكەۋٸ ەكٸ كلاستاسىمنىڭ اعاسى, ولاردى جاقسى بٸلەمٸن. بٸراق ارالاستىعىم جوق, ٷشٸنشٸ جٸگٸتتٸڭ اتى-جٶنٸن ەسٸمە تٷسٸرٸپ ايتتىم, ال قالعانىن بٸلمەيمٸن. ونىڭ بەرٸن پوليتسييا قاراپ جاتىر. مەنٸڭ ٸشٸمدٸ ٶرتەيتٸن بٸر نەرسە - قىزىمنىڭ قايدا ەكەنٸن بەيحابارمىن. ول شەتەل استى ما ەلدە ورگاندارىن تاپسىرىپ جٸبەردٸ مە ەش حابارىم جوق. وسىعان دەيٸن بۇل تۋرالى تەك ەكٸ ادامعا ايتتىم. مەن شاراسىز بولدىم. نەگٸزٸ ەكەمنٸڭ ٸنٸسٸ "بالالار ٷيٸندە" قىزمەت ەتكەن. بٸراق قانشا تىرىسسام دا ول كٸسٸگە بەتتەپ, سۇراي المادىم, ٶزٸ مەنٸ تارتپايتىن. مەنٸڭ ويىمشا, سول اعام مەن انام قىزىمنىڭ قايدا ەكەنٸن بٸلەدٸ. قىزىمدى قايدا, قالاي جٸبەرگەنٸن اعام بٸلەدٸ. مەنٸڭ بٸلەتٸنٸم قىزىم 3 جاسقا دەيٸن "بالالار ٷيٸندە" بولدى. جاڭا جىلدا بوسانعان سوڭ قاراۋسىز قالدىم. ەشكٸم ٸزدەپ كەلمەيتٸن ەيەل, بالاسى "وتكازنوي" دەگەن سٶزدەر بولدى. 9 كٷن پەرزەنتحانادا جاتىپ, ول جەردەن شىعارىپ جٸبەرگەنشە قىزىمدى ەمٸزدٸم. سول جەردەگٸلەر مەنٸڭ جاعدايىمدى تٷسٸنەتٸنٸن الايدا ٷي-كٷيسٸز, جۇمىسسىز ستۋدەنتكە بالا بەرمەيتٸنٸن, ەسەيٸپ ەسٸمدٸ جيعان ۋاقىتتا قىزىمدى الىپ كەتەتٸنٸمدٸ ايتىپ, قولىما مەكەن جاي جازىلعان قاعاز ۇستاتتى", - دەدٸ ول.
