Foto: JI
Ult.kz-te jihankez jýrnalist Dinara Bolattyń ózge paiymy.
30 dan asqan áieldiń densaýlyǵyna, dene bitimine kútim jasaýy qazir jańalyq emes. Bul ‒ qur sulýlyq emes, ómir sapasyn uzartatyn, psihologiialyq saýlyǵymyzǵa kepil beretin mańyzdy qajettilik7 Bul ‒ qazir trend qana emes, ýaqyt talaby. Sebebi 30 dan keiin aǵza qartaiýǵa aiaq basady. Aǵzada birneshe mańyzdy ózgerister bastalady. Gormondar ózgerip, kóńil kúi qubylady, stressti jaǵdailarǵa qarsy turý immýniteti álsireidi. Teriniń jańarýy, burynǵydai bolmai, kollagen bólýi nasharlaidy. Metabolizm baiaýlap, bulshyqetter azaiyp, denede mai ońai jinalady. Sondyqtan 30-dan asqan ár qyz-kelinshek óz saýlyǵyna asa qamqorlyqpen qarai bastaǵany jón.
Dene symbatyn uzaǵyraq saqtaý úshin durys tamaqtanýdy jolǵa qoiyp, ózine yńǵaily sport túrimen ainalysa bastaǵany durys. Mai emes, bulshyqet jinaý úshin kúndelikti tamaǵy paidaly mai, aqýyz, dárýmenderge bai bolǵany abzal.
Gormondardyń ózgerisin baqylaýda ustaý úshin ózińizde baiqalatyn belgiler boiynsha analizder tapsyryp, emin alý kerek. Tez salmaq qostyńyz ba, álde jii sharshaý bar ma, múmkin tsikl buzyldy, múmkin uiqysyzdyq? Munyń bári gormondar ózgerisimen tikelei bailanysty.
Foto: JI
Sondai-aq bet terisindegi kollagen sintezi tipti 25 jastan bastap baiaýlaidy. Sol sebepti bet terisiniń symbatyn saqtaý úshin, erte ájim túspes úshin, kúnde kún sáýlesinen qorǵanyp, SPF krem jaǵyp, terini turaqty ylǵaldandyrý mańyzdy.
Odan bólek, qaterli isik burynǵydai 50-60 jasta emes, qazir 30-40 jastaǵy qyz-kelinshekterde kezdesip jatqanyn eskerý kerek. Uzaǵyraq ómir súrý úshin jyl saiyn onkoskrining ótý ‒ kádimgi qajettilik. Erte kezeńde anyqtalǵan isik 80–95% jaǵdaida tolyq emdeledi.
Paiym
Áieldiń densaýlyǵy onyń kúiine, adamdarmen qatynasyna, jumysyna tikelei áser etedi. Eń bastysy áieldiń laiyq symbaty men saýlyǵy óziniń baǵalaýyn qalypty deńgeide ustap turatyn birden bir faktor. Densaýlyqqa nemqurai qaraý keiin qymbatqa túsedi. Ózimizge nemquraily qaraý ‒ keiin ókindiredi. Saýlyǵymyzdy ýaqytyly qolǵa alaiyq. Uzaǵyraq jarqyraiyq!
.jpg)
