Foto: Videodan skrin
Reseilik Wildberries kompaniiasy qazaqstandyq júk tasymaldaýshylarǵa jalaqy túrinde 30 million teńge qaryz. Logistikalyq kompaniia ieleri shaǵymdaryn bildirip, ereýilge shyqty, dep habarlaidy «Ult aqparat» Stan.kz -ke silteme jasap.
Quryltaishylary Vladislav pen Tatiana Bakalchýkty Reseidegi eń bai biznesmenderge ainaldyrǵan internet-dúken qazaqstandyq qyzmetkerlerge bir jarym ailyq jalaqysyn tóleýden bas tartty. Júk tasymaldaýshylar óz quqyqtaryn qorǵaý úshin Astana-Qaraǵandy tas jolynyń boiynda ornalasqan qoima mańyna jinaldy.
Jetkizýshilerdiń ortasha jalaqysy 1 million teńgeden asady. Kásiporynn 20 jumysshyǵa 30 million teńge qaryz.
Meiirbek Maratulynyń Wildberries-te jumys istep jatqanyna 6 aiǵa jýyqtady.
"Biz reseilik kompaniia basshylyǵyna nemese sheteldik kompaniialardyń Qazaqstandaǵy jumysyn retteitin organdarǵa júginip jatyrmyz. Wildberries bizge jalaqy bermeidi. Kompaniia bizdiń tasymaldaýshylar komandasyna 10 million teńge, taǵy 20 million teńge qaryz", – dedi ol.
Onyń aitýynsha, Qazaqstandaǵy kompaniia ókilderi bir-birine siltep, naqty jaýap bermeidi.
"Qazir qolymyzda 3 gazel taýar bar. Jalaqymyz tólenbeiinshe taýardy shyǵarmaimyz. Osy bir jarym aidyń ishinde kólik, janar-jaǵarmai, jeke qajettilikterdi óz qaltamyzdan tóledik. Qansha ýaqyt jumsadyq, biraq tólem bolmady", – dedi júrgizýshi.
Taǵy bir júrgizýshi Asqar Aitpaevtyń aitýynsha, kompaniia shilde aiynyń sońyna deiin qaryzyn óteýge ýáde bergen.
"Esh nátije joq. Tek ekeýine tolyq tólendi. Qalǵan 12 adam áli jalaqylaryn kútip otyr. Bul rette árbir júrgizýshi jeke kásipkerlik ashty. Olardyń barlyǵy salyq tóleidi. Sondyqtan kompaniia ókilderi óz mindettemelerin oryndaǵanyn qalaimyz", – dedi ol.
Asqar Aitpaevtyń sózinshe, júk tasymaldaýshylardyń jumysyn retteitin kompaniia ókilderi, bir-birine siltep, jalaqy tóleýden bas tartyp otyr.
"Júk tasymaldaýǵa eki kompaniia jaýapty. Bul “Logistika” jáne “Bystroi tochki” kompaniiasy. “Logistika” basshylyǵy onyń “Bystroi tochki” aqshasyna esh qatysy joq dep málimdeidi. Al “Bystroi tochki” ókilderi barlyq qarajat “Logistika” shottaryna aýdarylǵanyn aitady", – dedi tasymaldaýshy.
Wildberries 2004 jyly qurylǵan reseilik marketpleis. 2016-2020 jyldardaǵy taýar ainalymy boiynsha Reseidegi eń iri internet-dúken retinde tanyldy. Kompaniianyń filialdary Resei, Belarýs, Qazaqstan, Qyrǵyzstan, Armeniia, Izrail, Túrkiia, Ózbekstan jáne Ázirbaijanda ashylǵan.
Aita keteiik, buǵan deiin Almatyda "Atakent" pavilonynda ornalasqan Wildberries qoimasy órtene jazdaǵanyn jazǵan edik. Órt sóndirýshiler erterek kelip órtti aýyzdyqtap úlgergen.
