فوتو: ۆيدەودان سكرين
رەسەيلٸك Wildberries كومپانيياسى قازاقستاندىق جٷك تاسىمالداۋشىلارعا جالاقى تٷرٸندە 30 ميلليون تەڭگە قارىز. لوگيستيكالىق كومپانييا يەلەرٸ شاعىمدارىن بٸلدٸرٸپ, ەرەۋٸلگە شىقتى, دەپ حابارلايدى «ۇلت اقپارات» Stan.kz -كە سٸلتەمە جاساپ.
قۇرىلتايشىلارى ۆلاديسلاۆ پەن تاتيانا باكالچۋكتى رەسەيدەگٸ ەڭ باي بيزنەسمەندەرگە اينالدىرعان ينتەرنەت-دٷكەن قازاقستاندىق قىزمەتكەرلەرگە بٸر جارىم ايلىق جالاقىسىن تٶلەۋدەن باس تارتتى. جٷك تاسىمالداۋشىلار ٶز قۇقىقتارىن قورعاۋ ٷشٸن استانا-قاراعاندى تاس جولىنىڭ بويىندا ورنالاسقان قويما ماڭىنا جينالدى.
جەتكٸزۋشٸلەردٸڭ ورتاشا جالاقىسى 1 ميلليون تەڭگەدەن اسادى. كەسٸپورىنن 20 جۇمىسشىعا 30 ميلليون تەڭگە قارىز.
مەيٸربەك ماراتۇلىنىڭ Wildberries-تە جۇمىس ٸستەپ جاتقانىنا 6 ايعا جۋىقتادى.
"بٸز رەسەيلٸك كومپانييا باسشىلىعىنا نەمەسە شەتەلدٸك كومپانييالاردىڭ قازاقستانداعى جۇمىسىن رەتتەيتٸن ورگاندارعا جٷگٸنٸپ جاتىرمىز. Wildberries بٸزگە جالاقى بەرمەيدٸ. كومپانييا بٸزدٸڭ تاسىمالداۋشىلار كومانداسىنا 10 ميلليون تەڭگە, تاعى 20 ميلليون تەڭگە قارىز", – دەدٸ ول.
ونىڭ ايتۋىنشا, قازاقستانداعى كومپانييا ٶكٸلدەرٸ بٸر-بٸرٸنە سٸلتەپ, ناقتى جاۋاپ بەرمەيدٸ.
"قازٸر قولىمىزدا 3 گازەل تاۋار بار. جالاقىمىز تٶلەنبەيٸنشە تاۋاردى شىعارمايمىز. وسى بٸر جارىم ايدىڭ ٸشٸندە كٶلٸك, جانار-جاعارماي, جەكە قاجەتتٸلٸكتەردٸ ٶز قالتامىزدان تٶلەدٸك. قانشا ۋاقىت جۇمسادىق, بٸراق تٶلەم بولمادى", – دەدٸ جٷرگٸزۋشٸ.
تاعى بٸر جٷرگٸزۋشٸ اسقار ايتپاەۆتىڭ ايتۋىنشا, كومپانييا شٸلدە ايىنىڭ سوڭىنا دەيٸن قارىزىن ٶتەۋگە ۋەدە بەرگەن.
"ەش نەتيجە جوق. تەك ەكەۋٸنە تولىق تٶلەندٸ. قالعان 12 ادام ەلٸ جالاقىلارىن كٷتٸپ وتىر. بۇل رەتتە ەربٸر جٷرگٸزۋشٸ جەكە كەسٸپكەرلٸك اشتى. ولاردىڭ بارلىعى سالىق تٶلەيدٸ. سوندىقتان كومپانييا ٶكٸلدەرٸ ٶز مٸندەتتەمەلەرٸن ورىنداعانىن قالايمىز", – دەدٸ ول.
اسقار ايتپاەۆتىڭ سٶزٸنشە, جٷك تاسىمالداۋشىلاردىڭ جۇمىسىن رەتتەيتٸن كومپانييا ٶكٸلدەرٸ, بٸر-بٸرٸنە سٸلتەپ, جالاقى تٶلەۋدەن باس تارتىپ وتىر.
"جٷك تاسىمالداۋعا ەكٸ كومپانييا جاۋاپتى. بۇل “لوگيستيكا” جەنە “بىستروي توچكي” كومپانيياسى. “لوگيستيكا” باسشىلىعى ونىڭ “بىستروي توچكي” اقشاسىنا ەش قاتىسى جوق دەپ مەلٸمدەيدٸ. ال “بىستروي توچكي” ٶكٸلدەرٸ بارلىق قاراجات “لوگيستيكا” شوتتارىنا اۋدارىلعانىن ايتادى", – دەدٸ تاسىمالداۋشى.
Wildberries 2004 جىلى قۇرىلعان رەسەيلٸك ماركەتپلەيس. 2016-2020 جىلدارداعى تاۋار اينالىمى بويىنشا رەسەيدەگٸ ەڭ ٸرٸ ينتەرنەت-دٷكەن رەتٸندە تانىلدى. كومپانييانىڭ فيليالدارى رەسەي, بەلارۋس, قازاقستان, قىرعىزستان, ارمەنييا, يزرايل, تٷركييا, ٶزبەكستان جەنە ەزٸربايجاندا اشىلعان.
ايتا كەتەيٸك, بۇعان دەيٸن الماتىدا "اتاكەنت" پاۆيلونىندا ورنالاسقان Wildberries قويماسى ٶرتەنە جازداعانىن جازعان ەدٸك. ٶرت سٶندٸرۋشٸلەر ەرتەرەك كەلٸپ ٶرتتٸ اۋىزدىقتاپ ٷلگەرگەن.
