Foto: Nur.kz
Ýkraindyq «Hochý jit» jobasy Resei jaǵynda soǵysyp, kóz jumǵan Qazaqstan azamattarynyń tizimin jariialady, dep habarlaidy Ult.kz Alash.KZ saityna silteme jasap.
Uiym málimetinshe, bul tek aty-jóni belgilileri ǵana. Negizi qaza tapqandar sany budan da kóp bolýy múmkin.
Tizimde keminde 270 adam bar. Jobanyń málimetinshe, naqty sany budan áldeqaida kóp bolýy múmkin — keibiri iz-tússiz ketken, keibiriniń aty-jóni anyqtalmaǵan.
Qaza tapqandardyń eń jasy — 2005 jyly týǵan Andrei Bogomolov, nebári 19 jasta bolǵan. Eń egdesi — 254-motoatqyshtar polkynyń sarbazy, 64 jastaǵy Aleksandr Ialfimov.
Tizimge jaldamaly áskerler de, Resei men Qazaqstan aýmaǵynda jergilikti deńgeide jaldaý arqyly soǵysqa tartylǵandar da kiredi.
Joba avtorlarynyń aitýynsha, qazaqstandyqtardy jaldaý protsesi áli de jalǵasyp jatyr.
«Adamdardy túrmelerde, eńbek migranttarynyń arasynan, sondai-aq “Reseide joǵary jalaqyly jumys usynamyz” dep jarnama beretin jalǵan agenttikter arqyly izdeidi. Internettegi jarnamalar TMD elderiniń azamattaryna arnaiy baǵyttalǵan,» — deidi zertteý toby.
Sarapshylar Reseidiń sońǵy ýaqytta alys shetelden emes, tili men mádenieti jaqyn kórshi memleketterden ásker jinaýǵa basymdyq berip otyrǵanyn aitady.
Qazaqstan zańnamasyna sáikes, sheteldegi soǵysqa qatysqandarǵa bas bostandyǵynan aiyrý jazasy qarastyrylǵan. Qylmystyq kodekstiń 172-baby — «Sheteldik qarýly qaqtyǵystarǵa qatysý» — boiynsha 5 jyldan ómir boiyna deiin bas bostandyǵynan aiyrý jáne azamattyqtan aiyrý jazasy qoldanylýy múmkin.
