فوتو: Nur.kz
ۋكرايندىق «حوچۋ جيت» جوباسى رەسەي جاعىندا سوعىسىپ, كٶز جۇمعان قازاقستان ازاماتتارىنىڭ تٸزٸمٸن جارييالادى, دەپ حابارلايدى Ult.kz Alash.KZ سايتىنا سٸلتەمە جاساپ.
ۇيىم مەلٸمەتٸنشە, بۇل تەك اتى-جٶنٸ بەلگٸلٸلەرٸ عانا. نەگٸزٸ قازا تاپقاندار سانى بۇدان دا كٶپ بولۋى مٷمكٸن.
تٸزٸمدە كەمٸندە 270 ادام بار. جوبانىڭ مەلٸمەتٸنشە, ناقتى سانى بۇدان ەلدەقايدا كٶپ بولۋى مٷمكٸن — كەيبٸرٸ ٸز-تٷسسٸز كەتكەن, كەيبٸرٸنٸڭ اتى-جٶنٸ انىقتالماعان.
قازا تاپقانداردىڭ ەڭ جاسى — 2005 جىلى تۋعان اندرەي بوگومولوۆ, نەبەرٸ 19 جاستا بولعان. ەڭ ەگدەسٸ — 254-موتواتقىشتار پولكىنىڭ ساربازى, 64 جاستاعى الەكساندر يالفيموۆ.
تٸزٸمگە جالدامالى ەسكەرلەر دە, رەسەي مەن قازاقستان اۋماعىندا جەرگٸلٸكتٸ دەڭگەيدە جالداۋ ارقىلى سوعىسقا تارتىلعاندار دا كٸرەدٸ.
جوبا اۆتورلارىنىڭ ايتۋىنشا, قازاقستاندىقتاردى جالداۋ پروتسەسٸ ەلٸ دە جالعاسىپ جاتىر.
«ادامداردى تٷرمەلەردە, ەڭبەك ميگرانتتارىنىڭ اراسىنان, سونداي-اق “رەسەيدە جوعارى جالاقىلى جۇمىس ۇسىنامىز” دەپ جارناما بەرەتٸن جالعان اگەنتتٸكتەر ارقىلى ٸزدەيدٸ. ينتەرنەتتەگٸ جارنامالار تمد ەلدەرٸنٸڭ ازاماتتارىنا ارنايى باعىتتالعان,» — دەيدٸ زەرتتەۋ توبى.
ساراپشىلار رەسەيدٸڭ سوڭعى ۋاقىتتا الىس شەتەلدەن ەمەس, تٸلٸ مەن مەدەنيەتٸ جاقىن كٶرشٸ مەملەكەتتەردەن ەسكەر جيناۋعا باسىمدىق بەرٸپ وتىرعانىن ايتادى.
قازاقستان زاڭناماسىنا سەيكەس, شەتەلدەگٸ سوعىسقا قاتىسقاندارعا باس بوستاندىعىنان ايىرۋ جازاسى قاراستىرىلعان. قىلمىستىق كودەكستٸڭ 172-بابى — «شەتەلدٸك قارۋلى قاقتىعىستارعا قاتىسۋ» — بويىنشا 5 جىلدان ٶمٸر بويىنا دەيٸن باس بوستاندىعىنان ايىرۋ جەنە ازاماتتىقتان ايىرۋ جازاسى قولدانىلۋى مٷمكٸن.
