Shymkentte múlik salyǵy boiynsha bereshek kólemi 230 million teńgege jetti. Qaryzyn ótemegen azamattardyń sany 29 myńnan asty, dep habarlaidy ult.kz.
Bul týraly Shymkent qalasy boiynsha Memlekettik kirister departamentiniń bólim basshysy Shoqan Omarbek málimdedi.
Onyń aitýynsha, bereshegi 1 AEK-ten asatyn azamattardyń materialdary jeke sot oryndaýshylaryna joldanady. Odan keiin májbúrlep óndirip alý sharalary qoldanylyp, boryshkerlerdiń bank shottary buǵattalyp, múlkine shekteý qoiylady. Al qaryz kólemi 40 AEK-ten asqan jaǵdaida shetelge shyǵýǵa tyiym salynýy múmkin.
Shoqan Omarbektiń sózinshe, múlik salyǵy turǵyn úidiń baǵalaý qunyna qarai esepteledi. Oǵan nysannyń ornalasqan jeri, salynǵan jyly, qurylys materialy, kólemi men tozý deńgeii áser etedi. Qurylys materialy qymbat ári úi kólemi úlken bolǵan saiyn onyń baǵalaý quny da joǵarylaidy.
Sondai-aq biyldan bastap páterin jalǵa beretin azamattar úshin salyq tóleý tártibi jeńildetilgen. Ai saiynǵy tabysy 1,3 million teńgeden aspaityn azamattar jeke kásipker retinde tirkelmei-aq, Kaspi.kz nemese E-Salyq Business qosymshalary arqyly ózin-ózi jumyspen qamtyǵandar rejimine óte alady. Bul jaǵdaida salyq deklaratsiiasyn tapsyrý jáne jeke tabys salyǵyn tóleý talap etilmeidi. Tek tabystyń 4 paiyzy kóleminde áleýmettik tólem aýdarý jetkilikti.
Eske salaiyq, buǵan deiin Shymkentte kólik salyǵy boiynsha bereshegi 250 AEK-ten asqan 44 júrgizýshige qatysty júrgizýshi kýáliginen aiyrý máselesin qaraý úshin sot organdaryna usynys joldanǵan bolatyn.
