Jambyl oblysynda sheteldiktiń kóliginen qylmystyq izdeýde júrgen qarý tabyldy,- dep habarlaidy "Ult aqparat".
«Brakoner» jedel-aldyn alý is-sharasyn ótkizý barysynda Talas aýdandyq politsiia bóliminiń litsenziialaý-ruqsat berý qyzmetiniń qyzmetkerleri JP JPQB tabiǵatty qorǵaý politsiiasy tobymen birlesip, Talas aýdany Aqkól aýyldyq okrýginiń «Taraz-Aqkól-Toǵyzkent» avtojolynda 22 jastaǵy er adamnyń basqarýyndaǵy «Toyota Prado» avtokóligin toqtatty. Avtokólik quralyn tekserý barysynda artqy jolaýshylar oryndyǵynda optikalyq kózdegishi men patrondary bar ańshylyq sholaq myltyq tabyldy. Bul týraly oblystyq politsiia departamentiniń baspasóz qyzmeti habarlady.
«Aldyn ala tekserý barysynda bul qarý Almaty qalasynda Almaly aýdanynda 2016 jyldan beri qylmystyq izdeý sanatynda turǵany anyqtaldy. Atalǵan derekke qatysty QR QKniń 287-baby 3-bóligi (atys qarýyn (tegis uńǵyly ańshylyq qarýdan basqa), oq-dárilerdi, jarylǵysh zattardy nemese jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý) boiynsha sotqa deiingi tergeý bastaldy, ballistikalyq saraptama taǵaiyndaldy», - delingen habarlamada
