جامبىل وبلىسىندا شەتەلدٸكتٸڭ كٶلٸگٸنەن قىلمىستىق ٸزدەۋدە جٷرگەن قارۋ تابىلدى,- دەپ حابارلايدى "ۇلت اقپارات".
«براكونەر» جەدەل-الدىن الۋ ٸس-شاراسىن ٶتكٸزۋ بارىسىندا تالاس اۋداندىق پوليتسييا بٶلٸمٸنٸڭ ليتسەنزييالاۋ-رۇقسات بەرۋ قىزمەتٸنٸڭ قىزمەتكەرلەرٸ جپ جپقب تابيعاتتى قورعاۋ پوليتسيياسى توبىمەن بٸرلەسٸپ, تالاس اۋدانى اقكٶل اۋىلدىق وكرۋگٸنٸڭ «تاراز-اقكٶل-توعىزكەنت» اۆتوجولىندا 22 جاستاعى ەر ادامنىڭ باسقارۋىنداعى «Toyota Prado» اۆتوكٶلٸگٸن توقتاتتى. اۆتوكٶلٸك قۇرالىن تەكسەرۋ بارىسىندا ارتقى جولاۋشىلار ورىندىعىندا وپتيكالىق كٶزدەگٸشٸ مەن پاتروندارى بار اڭشىلىق شولاق مىلتىق تابىلدى. بۇل تۋرالى وبلىستىق پوليتسييا دەپارتامەنتٸنٸڭ باسپاسٶز قىزمەتٸ حابارلادى.
«الدىن الا تەكسەرۋ بارىسىندا بۇل قارۋ الماتى قالاسىندا المالى اۋدانىندا 2016 جىلدان بەرٸ قىلمىستىق ٸزدەۋ ساناتىندا تۇرعانى انىقتالدى. اتالعان دەرەككە قاتىستى قر قكنٸڭ 287-بابى 3-بٶلٸگٸ (اتىس قارۋىن (تەگٸس ۇڭعىلى اڭشىلىق قارۋدان باسقا), وق-دەرٸلەردٸ, جارىلعىش زاتتاردى نەمەسە جارىلعىش قۇرىلعىلاردى زاڭسىز ساتىپ الۋ, بەرۋ, ٶتكٸزۋ, ساقتاۋ, تاسىمالداۋ نەمەسە الىپ جٷرۋ) بويىنشا سوتقا دەيٸنگٸ تەرگەۋ باستالدى, بالليستيكالىق ساراپتاما تاعايىندالدى», - دەلٸنگەن حابارلامادا
