BUU Bas Assambleiasy Qazaqstannyń bastamasymen ázirlengen «Halyqaralyq planetany kógaldandyrý kúni» qararyn qabyldap, 22 sáýirdi Halyqaralyq planetany kógaldandyrý kúni dep jariialady, dep habarlaidy ult.kz.
Bul bastamany QR Prezidenti Qasym-Jomart Toqaev 2025 jylǵy qyrkúiekte BUU Bas Assambleiasynyń 80-sessiiasynda usynǵan. Qararǵa álemniń túrli óńirlerin bildiretin 32 memleket teń avtor boldy.
Qarardyń qabyldanýy Qazaqstannyń jahandyq ekologiialyq kún tártibin ilgeriletýge jáne qorshaǵan ortany qorǵaý baǵytyndaǵy halyqaralyq kúsh-jigerdi biriktirýge qosyp kele jatqan dáiekti úlesin kórsetedi.
Qujat álemdik qoǵamdastyqtyń kógaldandyrý men tabiǵi ekojúielerdi qalpyna keltirýdiń mańyzdylyǵy týraly habardarlyǵyn arttyrýǵa, sondai-aq memleketterdi, BUU júiesin, halyqaralyq jáne óńirlik uiymdardy, azamattyq qoǵamdy jáne basqa da múddeli taraptardy tiisti is-sharalar men bastamalardy júzege asyrýǵa yntalandyrýǵa baǵyttalǵan.
Halyqaralyq kúnniń belgilenýi Qazaqstanda júzege asyrylyp jatqan «Taza Qazaqstan» jalpyulttyq ekologiialyq aktsiiasynyń maqsattarymen úndesedi.
